Dashi
Urani do jetë planeti më i favorshëm për ju gjatë kësaj dite. Do keni aftësi të mira organizative dhe idetë nuk do ju mungojnë asnjë moment. Jeta juaj në çift do jetë e qëndrueshme, pa ndikime të forta nga planetët, prandaj do ndiheni më të qetë. Ju beqarët do favorizoheni nga Plutoni, i cili premton një dashuri të bukur që ka shumë gjasa të zgjasë në kohë. Në punë do tregoheni kreativë dhe seriozë, çka do bëjë që shefat t’ju besojnë detyra të rëndësishme. Kujdes vetëm me financat: i njëjti planet mund t’ju nxisë drejt ideve të gabuara dhe shpenzimeve të panevojshme.
Shëndeti: Mund të ndiheni pak të lodhur nga aktivitetet e shumta, prandaj gjeni kohë për të pushuar. Kujdesuni edhe për ushqimin që të shmangni problemet me tretjen.
Këshilla: Shfrytëzoni energjinë pozitive për të ndërtuar diçka të qëndrueshme, por mos e lini mençurinë mënjanë kur bëhet fjalë për financat.
Demi
Plutoni do sjellë ndryshime të mëdha për ju sot. Ndryshe nga zakonisht, do tregoheni më të gatshëm të përballeni me këdo që ju del përpara. Pavarësisht angazhimeve të punës, ju të dashuruarit do zgjidhni të jetoni momente të lumtura pranë partnerit dhe të përkushtoheni më shumë ndaj ndjenjave. Beqarët nuk do kenë takime të rëndësishme, por dita do jetë e këndshme për t’u jetuar. Në punë mund të ndiheni të pasigurt nëse dëshironi ta mbani më tej postin që keni, dhe kjo do shënojë një periudhë tranzicioni. Dielli do të ndihmojë financat duke i mbajtur ato të ekuilibruara, megjithatë është mirë të shpenzoni me maturi.
Shëndeti: Energjia do jetë në nivele të mira, por stresi i brendshëm mund t’ju lodhë. Mos e lini pas dore gjumin dhe pushimin.
Këshilla: Merrni kohën që ju nevojitet për të reflektuar mbi vendimet e punës. Në dashuri, shijoni momentet pa kërkuar më shumë seç duhet.
Binjakët
Venusi do ju mbështesë fuqishëm dhe do bëjë që të përballoni me sukses çdo sfidë që ju del përpara. Nëse jeni në një lidhje, marrëdhënia juaj do jetë më e fortë sot, sidomos nëse keni kaluar turbullira kohët e fundit. Marsi do zgjojë pasionin dhe sensualitetin tek beqarët. Mund të lindë një histori e bukur, por ekziston edhe mundësia e një aventure të shkurtër, ndaj bëni kujdes. Në punë do jeni të hapur ndaj gjërave të reja dhe do dini si të bashkëpunoni me kolegët. Problemet do arrini t’i zgjidhni me diplomaci. Falë Diellit, financat do jenë më të qëndrueshme se kurrë më parë.
Shëndeti: Do ndiheni të fuqishëm dhe energjikë, por mos e teproni me lodhjen fizike. Ushtroni aktivitet sportiv me masë.
Këshilla: Mos u nxitoni në dashuri, jepini kohë ndjenjave të kristalizohen. Në punë, vazhdoni të ushtroni diplomaci sepse do t’ju çojë larg.
Gaforrja
Gjatë kësaj dite do jeni shumë luftarakë dhe do dini si të zgjidhni çdo problem që do ju dalë para. Projektet në çift do jenë të favorizuara dhe komunikimi do sjellë vendime të përbashkëta. Shprehini hapur mendimet dhe tregohuni pak më të ngrohtë me partnerin. Ju beqarët do merrni një propozim të veçantë, por është mirë të mendoheni para se të jepni përgjigje. Në punë do keni kompetencat e duhura për të arritur majat, duhet vetëm pak më shumë përpjekje dhe durim. Financat do jenë të qëndrueshme dhe mund të lejoni ndonjë shpenzim më tepër pa frikë.
Shëndeti: Energjia do jetë e lartë, por mos e harxhoni kot. Pushoni mjaftueshëm që të ruani ekuilibrin.
Këshilla: Përdorni vendosmërinë tuaj për të ndërtuar marrëdhënie të forta dhe për të çuar përpara projektet që keni nisur.
Luani
Sot do jetë dita e ndryshimeve të mëdha, sidomos nëse keni menduar për projekte të rëndësishme. Në çift nuk do iu pëlqejnë detyrimet dhe rutina, do kërkoni gjithmonë emocione të reja. Kujdes mos tundoheni nga persona të tjerë, sepse humbja e partnerit do jetë e dhimbshme. Jupiteri do sjellë fat për beqarët, duke hapur mundësi të mira në dashuri. Në punë, më mirë përqendrohuni tek e tashmja dhe punoni me bashkëpunim e mençuri për të arritur rezultate. Financat mund të dobësohen për shkak të shpenzimeve të papritura.
Shëndeti: Kujdes me tensionin nervor, sidomos nëse hasni vonesa apo pengesa. Një shëtitje në natyrë do ju qetësonte.
Këshilla: Fokusohuni tek gjërat thelbësore dhe mos i lini emocionet t’ju çojnë në gabime të pakthyeshme.
Virgjëresha
Dita e sotme mund të mos ju kënaqë plotësisht dhe do ndiheni disi në merak. Në çift do kuptoheni mirë me partnerin, do tregoheni tolerantë dhe do shprehni dashurinë pa rezerva. Beqarët mund të fillojnë aventura sekrete, të cilat për momentin mund të jenë zgjidhja më e mirë. Në punë do jetë e nevojshme të ndryshoni agjendën dhe të përshtateni me kërkesat që ju vijnë. Si punonjës duhet të pranoni drejtimin e dhënë, megjithatë dita është e favorshme për të nisur projekte që mund t’ju rrisin të ardhurat. Persona të shenjës suaj do jenë mbështetje e madhe.
Shëndeti: Stresi mund t’ju shoqërojë, por mos harroni rëndësinë e qetësisë shpirtërore dhe ushqimit të rregullt.
Këshilla: Tregohuni praktikë dhe të duruar, sepse investimet e sotme do japin frytet e tyre në të ardhmen.
Peshorja
Momente shumë të ngrohta do kaloni gjatë kësaj dite. Dëgjojeni zemrën dhe bëni atë që do ju krijojë paqen shpirtërore. Ambienti yjor i qetë do iu bëjë juve që jeni në një lidhje të keni një jetë të qëndrueshme. Për sa iu përket çështjeve delikate do e keni të vështirë të flisni, kështu që më mirë lëreni për më vonë. Ju beqarët dita do jetë e përshtatshme për të joshur. Do takoni dikë, por duhet ta njihni mirë para se të vendosni nëse është i duhuri apo jo. Në punë do iu jepet një detyrë e re që do tregojë më së miri sa të aftë jeni. Mundohuni të jeni sa më të vendosur. Saturni do iu ndihmojë të menaxhoni më me maturi buxhetin, por kujdes me shpenzimet e panevojshme.
Shëndeti: Energjia do jetë e mirë, por mos e teproni me lodhjen mendore. Jepini vetes kohë për pushim dhe për aktivitet fizik të lehtë.
Këshilla: Vendosni qetësinë shpirtërore mbi gjithçka dhe mos bëni hapa të nxituar në marrëdhënie apo financa.
Akrepi
Gjatë kësaj dite do jeni shumë më kreativë dhe do keni ide origjinale për gjithçka. Frika dhe meraku që keni pasur do shfaqen ndryshe. Ju të dashuruarve do iu jepet mundësia të provoni dashurinë dhe ndjenjat që keni ndaj partnerit. Edhe ai do përkujdeset për ju gjithë kohës dhe do ju bëjë të ndiheni shpesh si në ëndrra. Nëse jeni beqarë duhet të tregoheni shumë të matur dhe të mos filloni aventura që do iu sjellin veçse pakënaqësi. Në punë, nëse nuk ndiheni mirë me situatën ekzistuese, më mirë mendoni për një ndryshim dhe diçka tuajën. Mjafton të keni vullnetin dhe këmbënguljen. Financat do jenë të vështira për shkak të disa huave të mëparshme.
Shëndeti: Stresi mund t’ju lodhë shpirtërisht. Kujdesuni për gjumin dhe shmangni konfliktet e panevojshme.
Këshilla: Mos i lini frikërat t’ju pengojnë, por gjeni kurajon për të bërë zgjedhjet që ju çojnë drejt pavarësisë.
Shigjetari
Herë pas here mund t’iu pushtojë edhe optimizmi gjatë kësaj dite, megjithatë sërish nuk do dorëzoheni. Nëse jeni në një lidhje duhet të përfitoni sa më shumë nga kjo ditë plot të mira. Ka mundësi që me në fund të rivendosni bashkëpunimin me njëri-tjetrin. Ju beqarët do jeni mjaft të ndjeshëm ndaj klimës erotike. Do keni një dëshirë të zjarrtë për të përjetuar eksperienca të reja sidomos me persona që nuk i njihnit më parë. Në punë do e keni të vështirë të organizoheni dhe jo çdo projekt do ju ecë sipas planeve. Nëse nuk merrni masa sa më parë, situata mund t’ua rrezikojë postin. Kujdesuni më tepër për ekuilibrin financiar sepse klima yjore nuk do jetë aspak e favorshme.
Shëndeti: Mund të ndiheni të lodhur dhe pa durim. Ushqehuni shëndetshëm dhe shmangni teprimin me aktivitetet fizike apo daljet e vona.
Këshilla: Fokusohuni tek qëllimet afatgjata dhe mos u hutoni nga eksperiencat kalimtare.
Bricjapi
Sado të ndikojë pozitivisht Hëna dhe Neptuni, gjërat sot nuk do ju ecin shumë mirë. Shpesh do mërziteni dhe do ndiheni keq. Nëse jeni në një lidhje do e ndieni veten paksa bosh dhe morali do jetë i ulur. Flisni me ndonjë mik sepse ai mund t’ua ndryshojë gjendjen shpirtërore. Nëse jeni beqarë ka shumë mundësi të goditeni nga shigjetat e Kupidit. Takimet do jenë interesante dhe mjaft eksituese. Në punë do jeni më të vendosur dhe rezultatet që do arrini do ju çojnë atje ku keni ëndërruar përherë. Të gjitha përpjekjet që keni bërë për të stabilizuar financat do japin rezultatet e veta dhe situata do jetë e qëndrueshme.
Shëndeti: Mund të ndiheni të lodhur mendërisht. Pushoni më shumë dhe mos e neglizhoni gjumin.
Këshilla: Mos lejoni mërzinë t’ju dominojë, kërkoni mbështetje tek njerëzit e afërt që ju japin energji pozitive.
Ujori
Gjatë kësaj dite do jeni në kërkim të emocioneve të forta dhe shpesh do ja lini gjërat edhe fatit. Nëse keni një lidhje, partneri juaj do e kuptojë se mund të mbështetet fort tek ju. Megjithatë ai do ketë një defekt të vogël: iu beson shumë atyre që të tjerët i thonë. Flisni me të dhe shpjegojini se më tepër se ju nuk ia do askush të mirën. Ju beqarët kishit ëndërruar dashurinë e madhe? Yjet do ua përshpejtojnë takimin e rëndësishëm dhe jeta do ju marrë tjetër kuptim. Në punë askush nuk do ju ndalojë aktivitetin që keni nisur edhe pse në disa momente stresi do jetë i madh. Ekuilibri financiar do jetë i qëndrueshëm, por kujdes me shpenzimet.
Shëndeti: Do jeni më energjikë, por shmangni tensionin dhe nervozizmin që mund të ndikojë në shëndetin tuaj.
Këshilla: Mos ia lini gjithçka fatit, merrni edhe vetë në dorë drejtimin e jetës tuaj.
Peshqit
Për fat të keq dinamizmi që ju karakterizon zakonisht do mungojë sot dhe mund të përballeni me sfida të vështira. Nëse jeni në një lidhje dhe jeta juaj në çift është që tashmë e brishtë, dita e sotme rrezikon të jetë një provë e vështirë. Nëse nga ana tjetër lidhja juaj është e fortë, gjithçka do shkojë për mrekulli. Nën influencën e Venusit, ju beqarët do filloni një romancë, e cila do iu sjellë mjaft kënaqësi. Në punë do keni shumë aspirata për të arritur lart e më lart, por nuk do ja dilni dot mbanë. Miqtë do ju stimulojnë dhe do ju mbështesin, por nuk pritet asgjë e jashtëzakonshme. Ka ardhur koha që të përballeni me problemet serioze në sektorin financiar dhe do iu duhet të merrni vendime të vështira.
Shëndeti: Do jeni më të dobët fizikisht dhe emocionalisht. Kujdesuni për ushqimin dhe shmangni mbingarkesën.
Këshilla: Përballuni me realitetin dhe mos lini vend për iluzione që mund t’ju pengojnë në vendimet e rëndësishme.
© Të gjitha të drejtat e rezervuara
$ads={2}
.png)
Post a Comment