Dashi
Durimi juaj do vihet në provë gjatë kësaj dite. Pavarësisht vullnetit që do keni, vështirësitë do jenë të njëpasnjëshme. Nëse keni një lidhje, jepini fund rivalitetit me partnerin sepse nëse vazhdoni kështu, jeta juaj do të kthehet në ring boksi. Gjeni me çdo kusht mënyrat për të filluar bashkëpunimin. Ju beqarët nuk do vuani nga vetmia sepse mundësitë për aventura do jenë të shumta. Mund të gjeni sot edhe gurin e çmuar. Në punë do jeni më të përgjegjshëm dhe rrallë do ju mungojë diplomacia. Do bëni tolerime dhe kolegët do ju afrohen më shumë. Klima në sektorin financiar do jetë e mirë, por gjithsesi mbrohuni. Mos bëni çmenduri me shpenzimet sepse do pendoheni.
Shëndeti: Stresi mund t’ju lodhë mendërisht. Kujdesuni për gjumin dhe bëni pushime të shkurtra.
Këshilla: Shmangni konfliktet e panevojshme dhe tregoni më shumë mirëkuptim.
Demi
Në pjesën më të madhe të ditës do jeni të irrituar dhe mund të bëni gabime. Vetëm mbrëmja mund të sjellë përmirësime. Nëse jeni në një lidhje, tensioni do jetë mbizotërues dhe do ju bëjë të ndiheni keq. Nuk do përjetoni aspak kënaqësitë që keni dëshiruar. Për shumë gjëra do keni mendime të kundërta. Ju beqarët do merrni refuzime dhe kjo gjë do ju mërzitë, por nuk ka të bëjë aspak me pamjen tuaj. Në punë asgjë nuk ka për të qenë e lehtë dhe me disa kolegë do keni debate të ashpra. Mos u ndalni tek fjalët, por mundohuni të realizoni objektivat. Financat për fat të mirë do jenë të kënaqshme.
Shëndeti: Kujdes me tensionin nervor, shmangni ushqimet e rënda dhe konsumoni më shumë ujë.
Këshilla: Mbani qetësinë dhe mos u nxitoni të merrni vendime nën nervozizëm.
Binjakët
Mundet të bëni disa gabime gjatë kësaj dite dhe të mos mbani premtimet, por sërish do reflektoni në kohë dhe do ndreqni çdo gjë. Për ju çiftet që keni kohë bashkë, klima sentimentale do jetë shumë e ngrohtë. Secili do kujdeset për detajet dhe gjithçka do shkojë për mrekulli. Ju beqarët duhet të mirëprisni një dashuri me shikim të parë. Kësaj here do jeni të sigurt për atë që doni vërtet dhe do i hidhni hapat me kujdes. Në punë mos qëndroni me orë të gjata, por bëni aq sa keni mundësi. Edhe po latë ndonjë gjë për më vonë, nuk do jetë fundi i botës. Në planin financiar do jetë ditë e favorshme për të bërë ndonjë shpenzim.
Shëndeti: Shëndeti do jetë i mirë, por mos e teproni me lodhjen fizike. Një shëtitje e qetë do ju bëjë mirë.
Këshilla: Bëhuni më të durueshëm me të tjerët dhe tregoni kujdes në marrëdhënie.
Gaforrja
Bëni kujdes mos provokoheni gjatë kësaj dite sepse shumë persona që ju kanë zili do mundohen t’iu prishin planet. Ju të dashuruarit më në fund do kuptoni se iu duhet qëndrueshmëri në jetën tuaj. Për këtë arsye do sakrifikoni pak nga liria juaj që gjërat të shkojnë mirë me partnerin. Ju beqarët, duke pritur princin e kaltër, nuk do i kushtoni vëmendje atij që do takoni. Kjo do jetë gabim sepse ai mund të jetë i duhuri. Në punë mund t’iu bëhen padrejtësi që nuk do i toleroni aspak. Mënyra më e mirë për t’i inatosur ata që ju kanë inat është të arrini sa më lart të jetë e mundur. Për financat do kujdeseni shumë dhe çdo gjë do shkojë mjaft mirë.
Shëndeti: Stresi mund t’ju rëndojë, ndaj shmangni konfliktet dhe pushoni më tepër.
Këshilla: Mos i nënvlerësoni mundësitë e vogla, sepse pikërisht ato mund t’ju hapin rrugë të mëdha.
Luani
Plutoni do ju bëjë shpesh me ankth gjatë kësaj dite. Mund të kaloni vështirësi, por familjarët nuk do ju lënë në baltë. Nëse keni një lidhje duhet të prisni disi, sepse gjithçka do marrë një pamje më të këndshme dhe në favorin tuaj. Ajo që dukej e pamundur, sot do duket e lehtë. Ju beqarët, falë kombinimit yjor të dominuar nga Venusi, do jeni të favorizuar dhe mund të takoni personin e duhur. Në punë do jeni të detyruar të rishikoni ato që keni bërë dhe të bëni disa ndryshime në planet e programuara. Situata financiare do jetë e qëndrueshme, por mos merrni vendime të rëndësishme.
Shëndeti: Mund të ndiheni të lodhur shpirtërisht. Shëtitjet në ajër të pastër do ju ndihmojnë shumë.
Këshilla: Mbajini gjërat nën kontroll dhe mos u nxitoni të ndryshoni gjithçka menjëherë.
Virgjëresha
Mos kërkoni që çdo gjë të bëhet ashtu si doni ju sot, por dëgjoni, merrni mendime dhe më pas vendosni. Jeta juaj në çift do jetë e qetë dhe e kënaqshme. Nëse keni pasur vështirësi, do keni mundësi të pajtoheni dhe të rregulloni problemet. Ju beqarët, falë Venusit, do shkëlqeni dhe do tërhiqni shumë vëmendje. Shumë gjëra do ndryshojnë për ju. Në punë asgjë nuk do ju trembë sot. Do jeni të përqendruar dhe nuk do lini asgjë rastësisë. Kujdesuni të mos rrëzoheni nga një problem financiar që mund t’ju dalë para. Luftoni fort dhe ulni shpenzimet.
Shëndeti: Do jeni të qëndrueshëm, por nervozizmi i tepërt mund t’ju lodhë. Shmangni grindjet.
Këshilla: Përdorni logjikën para emocioneve dhe mos e lini krenarinë të prishë qetësinë.
Peshorja
Nëse ju ka ardhur në majë të hundës rutina, bëni çfarë keni në dorë sot për ta ndryshuar njëherë e mirë, por mos dramatizoni asgjë. Falë Venusit, sharmi dhe shpirti i tolerancës do të mbizotërojë tek ju çiftet. Gjatë kësaj dite do e dashuroni edhe njëherë po aq shumë atë që keni në krah. Dashuria do pushtojë edhe mendjet e beqarëve. Do e merrni fatin tuaj në dorë, por duhet të shmangni aventurat e rastësishme. Në punë do jeni sipërfaqësorë dhe nuk do arrini t’i realizoni si duhet detyrat që do ju jepen. Sot është momenti i duhur edhe për t’u marrë pak me financat. Nëse doni të blini diçka, bëni më parë llogaritë.
Shëndeti: Mund të ndiheni të lodhur mendërisht. Një shëtitje e qetë ose një aktivitet i lehtë sportiv do ju rikthejë energjitë.
Këshilla: Mos u mbyllni në rutinë, kërkoni ndryshimet që ju japin frymëzim.
Akrepi
Venusi do ju nxitë t’i përkushtoheni më shumë jetës sentimentale sot, duke lënë disi pas dore fushat e tjera. Nëse keni një lidhje, do iu pëlqejnë ndryshimet dhe të rejat, dhe do doni ta largoni rutinën në dashuri. Flisni me partnerin që edhe ai të kuptojë dëshirat tuaja. Ju beqarët do i merrni gjërat më seriozisht dhe nuk do doni aventura pa të ardhme. Madje, mund t’ju plotësohet dëshira për një dashuri me shikim të parë. Në punë përgatituni për detyra të reja. Me pak vullnet dhe largpamësi, gjithçka do realizohet në perfeksion. Në planin financiar mos i lini gjërat pas dore sepse mund të keni probleme.
Shëndeti: Do jeni disi të shpërqendruar dhe kjo mund të sjellë lodhje. Kujdesuni për pushimin dhe ushqimin e shëndetshëm.
Këshilla: Jepini zemrës vendin që meriton, por mos harroni të balanconi edhe detyrimet e tjera.
Shigjetari
Besoni tek vetja dhe tek sharmi juaj sot sepse ato do ju nxjerrin edhe nga situatat delikate në të cilat mund të futeni. Ju të dashuruarit do tundoheni tej mase nga një person dhe ka rrezik ta tradhtoni atë që keni në krah. Gjithçka e bukur që kishit ndërtuar deri më sot mund të marrë fund për një çast. Ju beqarët do jeni tej mase përzgjedhës dhe vështirë se do gjeni një person të përshtatshëm. Në punë do tregoheni shumë kompetentë dhe mund të merrni një promocion që do ju mbushë shpirtin plot. Vlerësimi i shefave për ju do jetë i jashtëzakonshëm. Sektori i financave do jetë i qëndrueshëm dhe pa probleme. Shfrytëzojeni rastin për të bërë ndonjë investim.
Shëndeti: Do jeni energjikë, por mos e teproni me aktivitetet e lodhshme. Trupi ka nevojë edhe për pushim.
Këshilla: Mos e rrezikoni të ardhmen e ndërtuar me mund për një tundim të çastit.
Bricjapi
Gjatë kësaj dite do keni dëshirë të mësoni gjëra të reja dhe të eksploroni horizonte. Hëna do ua bëjë gjithçka më të lehtë. Për ju që jeni në një lidhje nuk do ketë aspak probleme. Me partnerin do keni një bashkëpunim për t’u pasur zili dhe shpesh do i shprehni ndjenjat edhe më zë të lartë. Ju beqarët do kaloni një nga ditët më të bukura të jetës tuaj. Çdo gjë për ju do jetë si nëpër ëndrra. Në punë do keni me të vërtetë ide gjeniale dhe eprorët nuk do ndalen së ua vëni në pah. Arritjet do i bëjnë paksa xhelozë kolegët, por nuk kanë çfarë t’iu bëjnë. Edhe për buxhetin do jetë një ditë e begatë. Mund të kryeni investime pa frikë.
Shëndeti: Do ndiheni energjikë dhe plot gjallëri. Kujdesuni të mos e teproni me ushqimin, sepse stomaku do të jetë i ndjeshëm.
Këshilla: Shfrytëzojeni këtë ditë për të hedhur hapa drejt ëndrrave që keni, pa humbur kohë në gjëra të vogla.
Ujori
Sot do jeni folës të shkëlqyer dhe të gjithë do kenë dëshirë t’iu dëgjojnë. Do jepni këshilla, por disa do i ndihmoni të pranojnë edhe disa gabime. Nëse keni një lidhje do jetë një ditë mjaft premtuese kjo e sotmja. Partneri do i mbajë të gjitha premtimet që ju ka bërë dhe një etapë shumë e bukur ka për të filluar për ju. Nëse jeni beqarë do vazhdoni të mbeteni vetëm sepse nuk do ju pëlqejnë personat që do iu joshin. Në punë do e keni shumë të lehtë t’i shprehni ato që mendoni dhe do mund të bashkëpunoni pa problem me cilindo koleg që do ju caktojnë. Në planin financiar do jeni më të kujdesshëm se më parë dhe asgjë e keqe nuk ka për t’iu ndodhur.
Shëndeti: Gjendja fizike do jetë e qëndrueshme, por stresi i brendshëm mund të shfaqet me dhimbje koke. Merrni kohë për relaksim.
Këshilla: Mos i nënvlerësoni fjalët tuaja, sepse sot mund të ndikojnë thellë te të tjerët.
Peshqit
Kundërshtimet nuk do mungojnë aspak gjatë kësaj dite. Humori juaj do ndryshojë shpesh dhe do keni si momente pozitive ashtu edhe negative. Ju që jeni në një lidhje duhet të bëni çmos që të ndryshoni rutinën e përditshme dhe të shtoni imagjinatën. Kjo recetë do japë frytet e veta. Ju beqarët do njihni dashurinë e rafinuar. Ai që do takoni do jetë inteligjent dhe me personalitet. Do keni të përbashkëta në mendime, politikë, fe apo edhe aspirata. Në punë nuk do i lini asgjë rastësisë, megjithatë mund të kaloni edhe momente kur nuk do jeni shumë të sigurt për hapat që duhet të hidhni. Financat duhet t’i menaxhoni me më shumë maturi dhe të jeni sa më të kthjellët kur të shpenzoni.
Shëndeti: Do keni luhatje energjie gjatë ditës. Mundohuni të pushoni më shumë dhe mos e teproni me lodhjet mendore.
Këshilla: Mbani qetësi edhe kur gjërat nuk shkojnë sipas planeve. Shikoni përtej momenteve të vështira.
© Të gjitha të drejtat e rezervuara
$ads={2}
.png)
Post a Comment