Dashi
Dielli dhe Jupiteri do ju bëjnë mjaft dinamikë gjatë kësaj dite dhe do dini saktësisht se çfarë hapash të hidhni. Nuk do ju pëlqejnë aspak rastësitë dhe do kërkoni që çdo gjë të jetë nën kontrollin tuaj.
Ju të dashuruarit do jeni të parezistueshëm dhe partneri do ju dashurojë si kurrë më parë. Ai do ju përgatisë edhe ndonjë surprizë që do ju ngrohë zemrën dhe do ju bëjë të ndiheni të vlerësuar.
Nëse jeni beqarë, pas kaq kohësh kërkimesh do e gjeni më në fund personin më të përshtatshëm. Gjithçka do ju duket ndryshe dhe emocionet do jenë më të forta se kurrë.
Në punë do e bëni çdo gjë me përkushtim dhe dëshirë, prandaj gabimet do jenë të pakta ose aspak. Do e gjeni edhe qetësinë që aq shumë keni kërkuar për të realizuar më së miri planet tuaja.
Gjendja e financave do varet kryesisht nga mënyra se si do i menaxhoni të ardhurat dhe sa të matur do tregoheni me shpenzimet.
Shëndeti: Energjia do jetë e mirë, por mos e teproni me lodhjen fizike. Kujdesuni për pushimin dhe hidratimin.
Këshilla: Planifikoni gjithçka me qetësi dhe mos u nxitoni, edhe kur ndiheni të sigurt.
Demi
Hëna dhe Dielli rrezikojnë të sjellin disa probleme gjatë kësaj dite. Nuk do jeni shumë në humor dhe herë pas here mund ta ngrini zërin më shumë nga sa duhet. Nëse nuk ruani qetësinë, nuk do fitoni asgjë.
Ju të dashuruarit duhet patjetër të ndryshoni sjelljen nëse doni që gjërat t’iu ecin ashtu si keni ëndërruar. Problemet nuk zgjidhen as me inat dhe as me kokëfortësi.
Nëse jeni beqarë, ka rrezik të mbylleni në vetvete dhe të mos pranoni asnjë lloj ftese që do ju bëhet.
Në punë do e keni të vështirë të pranoni mendimet e shefave dhe autoritetin e tyre. Mos veproni sipas kokës, sepse situata mund të marrë tatëpjetën.
Në planin financiar do dini çfarë hapash të hidhni dhe gjendja do vazhdojë të mbetet e qëndrueshme.
Shëndeti: Tensioni nervor mund të rritet. Përpiquni të shmangni stresin dhe të gjeni momente relaksi.
Këshilla: Qetësia dhe fleksibiliteti janë çelësi për të kaluar pa probleme këtë ditë.
Binjakët
Do jeni kërkues ndaj të tjerëve dhe ndaj vetes gjatë kësaj dite, por kjo sjellje në fakt do ju bëjë mirë.
Ju që jeni në një lidhje do ja kaloni shumë mirë me personin që keni në krah dhe nuk do ndjeni nevojën për ndryshime. Në mbrëmje nuk do mungojnë surprizat e bukura.
Ju beqarët do përjetoni dashuri me shikim të parë dhe jeta juaj mund të ndryshojë rrënjësisht.
Në punë mund të mërziteni ndonjë moment nga rutina, por do i çoni deri në fund të gjitha detyrat. Mirë është të pranoni këshillat dhe të mos nxitoheni.
Në planin financiar mos bëni asnjë çmenduri, sepse rrezikoni të mbeteni pa para më shpejt nga sa e mendoni.
Shëndeti: Gjendja do jetë e mirë, por kujdesuni për sistemin nervor dhe gjumin.
Këshilla: Dëgjoni mendimet e të tjerëve para se të merrni vendime të rëndësishme.
Gaforrja
Gjatë kësaj dite do ju duhet patjetër të reflektoni para se të veproni, sepse mund të bëni gabime të pafalshme me pasoja afatgjata.
Ju të dashuruarve stresi do ju pushtojë dhe nuk do ju lërë të shijoni lidhjen siç duhet.
Ju beqarët do ndiheni të dëshpëruar dhe nuk do dini çfarë të bëni për të ndryshuar statusin. Qëndroni pranë miqve dhe merrni kohën e nevojshme për reflektim.
Në planin profesional do bëni përpjekje të mëdha për të arritur atë që dëshironi. Në disa raste do ju duhet të bëni edhe kompromise të vogla.
Në planin financiar tregohuni sa më të kujdesshëm nëse doni të shmangni problemet.
Shëndeti: Stresi emocional mund të ndikojë negativisht. Relaksi dhe qetësia janë të domosdoshme.
Këshilla: Mos merrni vendime të nxituara, veçanërisht kur jeni emocionalë.
Luani
Sektori i dashurisë do privilegjohet edhe më shumë gjatë kësaj dite dhe emocionet do jenë të pafundme.
Ju të dashuruarit do merrni bekimin e yjeve dhe çdo gjë do ecë ashtu si e kishit ëndërruar. Kënaqësitë do jenë të forta dhe të bukura.
Ju beqarët do jeni të parezistueshëm dhe do tërhiqni vëmendjen e shumë personave. E ardhmja do jetë në dorën tuaj.
Në punë do jeni me shumë fat dhe do krijoni kontakte të rëndësishme që nesër mund t’iu hapin dyer të mëdha.
Financat do jenë të mira, prandaj mund të kryeni edhe ndonjë investim më tepër.
Shëndeti: Energjia fizike do jetë e lartë, por shmangni lodhjen e tepruar.
Këshilla: Shfrytëzoni mundësitë, por pa humbur modestinë dhe maturinë.
Virgjëresha
Do dini të tregoheni të duruar gjatë gjithë kësaj dite dhe kjo sjellje do ju sjellë përfitime.
Nëse jeni në një lidhje, ndikimi i yjeve do jetë pozitiv dhe do zgjidhni shpejt disa probleme të vogla.
Ju beqarët do jeni në humor të mirë dhe gati të bëni çdo lloj përpjekjeje për të arritur atë që dëshironi.
Në punë do keni energji të pashtershme dhe do luftoni për qëllimet tuaja. Mund të merrni në dorë edhe çështje të rëndësishme që më parë ju janë dukur të pamundura.
Në planin financiar do keni vështirësi, ndaj shmangni shpenzimet e pamenduara.
Shëndeti: Kujdesuni për lodhjen mendore dhe mos e teproni me angazhimet.
Këshilla: Organizimi dhe vetëkontrolli do ju ndihmojnë të shmangni gabimet.
Peshorja
Gjatë kësaj dite do ndiheni herë pas here si të bllokuar dhe nuk do dini saktësisht çfarë të bëni. Në disa momente do merrni frymë me vështirësi dhe do ndiheni të mbingarkuar emocionalisht.
Nëse jeni në një lidhje, do përjetoni shumë ulje dhe ngritje, ndaj tregohuni sa më të kujdesshëm në komunikim. Kokëfortësia do jetë ajo që do ju prishë më shumë punë se kurrë më parë.
Nëse jeni beqarë, duhet të luani më shumë me sharmin tuaj në mënyrë që ta bëni për vete personin që do pëlqeni.
Në punë, planetët do ju nxisin të merrni iniciativa të reja, por do e keni paksa të vështirë të hidhni hapa për shkak të frikës nga zhgënjimet.
Buxheti nuk do jetë i keq, megjithatë do ishte mirë të mos kryeni ende investime të mëdha.
Shëndeti: Stresi dhe ankthi mund të ndikojnë në frymëmarrje dhe tensionin nervor. Keni nevojë për qetësi dhe pushim.
Këshilla: Mos i mbani gjërat brenda vetes dhe shmangni kokëfortësinë, sidomos në marrëdhëniet personale.
Akrepi
Sado të përpiqen disa persona t’ua prishin ekuilibrin gjatë kësaj dite, nuk do ia dalin dot. Jeta juaj do mbetet e kënaqshme dhe relativisht e qetë.
Ju të dashuruarit do jeni më të kujdesshëm dhe më të ekuilibruar, prandaj çdo gjë do ecë ashtu siç e keni menduar. Edhe partneri do tregojë më shumë durim dhe do jetë në humor të mirë.
Ju beqarët do jeni mjaft sharmantë dhe do merrni ftesa të shumta për të ndryshuar statusin.
Në punë, marrëdhëniet me kolegët do luajnë një rol shumë të rëndësishëm për vazhdimësinë e projekteve të nisura. Nëse bashkëpunimi funksionon, gjithçka do realizohet më shpejt.
Në planin financiar do jeni më të organizuar dhe nuk do ndërmerrni asnjë hap pa qenë plotësisht të sigurt.
Shëndeti: Gjendje e mirë fizike dhe emocionale, por mos neglizhoni pushimin.
Këshilla: Bashkëpunimi dhe qetësia do jenë armët tuaja më të forta sot.
Shigjetari
Do e keni të vështirë të refuzoni ftesat dhe kërkesat për ndihmë gjatë kësaj dite. Duke bërë shumë për të tjerët, në disa momente do harroni edhe veten.
Ju të dashuruarit nuk duhet të ankoheni për asgjë, sepse gjithçka do ecë ashtu si keni ëndërruar. Partneri do ua shprehë hapur dhe me intensitet ndjenjat.
Ju beqarët do përjetoni ndryshime rrënjësore në jetën sentimentale dhe shumë gjëra do ju shkojnë ashtu si i keni dëshiruar.
Në punë, Dielli do ju bëjë shumë më prodhimtarë dhe do arrini të realizoni më tepër sesa e kishit imagjinuar.
Financat nuk do jenë në gjendjen e tyre më të mirë, prandaj shmangni shpenzimet e panevojshme.
Shëndeti: Kujdesuni për lodhjen fizike dhe mos e teproni me angazhimet.
Këshilla: Ndihmoni të tjerët, por mos harroni nevojat tuaja personale.
Bricjapi
Asgjë nuk do shkojë sot ashtu si e keni menduar dhe gjendja emocionale do ju trishtojë më shumë nga sa e prisnit.
Për ju që jeni në një lidhje, kjo do jetë një ditë goxha e vështirë. Nuk do merreni vesh me partnerin dhe secili do kërkojë t’i dalë e tija. Ky qëndrim do jetë gabim, por do e kuptoni më vonë.
Ju beqarët do filloni një lidhje të qëndrueshme dhe afatgjatë me dikë që më parë e keni neglizhuar.
Në punë do fillojnë të duken rezultatet e para të përpjekjeve të fundit. Kjo do ju kënaqë, por mos u vetëkënaqni dhe mos lini detajet pas dore.
Në planin financiar do keni fat dhe gjithçka do ecë më së miri. Do ndiheni më të qetë se kurrë më parë.
Shëndeti: Ngarkesa emocionale mund të sjellë lodhje. Kujdesuni për qetësinë mendore.
Këshilla: Mos u mbyllni në vetvete dhe shmangni konfliktet e panevojshme.
Ujori
Venusi do ju bëjë të papërmbajtshëm gjatë kësaj dite dhe herë pas here mund të bëni zgjedhje të gabuara. Asgjë e mirë nuk do vijë nga nxitimi.
Ju të dashuruarit do kaloni momente të vështira dhe të sikletshme. Nuk do bini dakord për shumë çështje dhe nuk do tregoni fleksibilitet.
Ju beqarët do keni kërkesa të shumta, por personat që do takoni nuk do ju pëlqejnë plotësisht.
Në punë nuk është momenti i duhur për ndryshime radikale. Merrini gjërat shtruar në mënyrë që të shmangni gabimet.
Në planin financiar do keni disa luhatje të vogla që mund t’iu prishin humorin. Shmangni investimet e mëdha.
Shëndeti: Nervozizmi mund të ndikojë negativisht. Relaksi është i domosdoshëm.
Këshilla: Mos merrni vendime të rëndësishme nën ndikimin e emocioneve.
Peshqit
Hënën do e keni në krah gjatë kësaj dite dhe ajo do ua ndriçojë rrugën që duhet të ndiqni.
Për ju të dashuruarit do jetë një ditë mjaft e favorshme. Do ndiheni të plotësuar pranë partnerit dhe nuk do dëshironi të ndaheni asnjë çast prej tij.
Ju beqarët duhet ta hapni zemrën nëse doni të ndryshoni statusin dhe të lejoni dikë t’iu afrohet.
Në punë shmangni me çdo kusht debatet me shefat ose kolegët, sepse nuk do sjellin zgjidhje. Fokusohuni tek detyrat që iu janë besuar.
Në planin financiar do jeni luftarakë dhe gjithçka do ecë ashtu siç e keni dëshiruar. Do arrini të përballoni edhe ndonjë shpenzim më tepër.
Shëndeti: Gjendje e mirë, por ruani ekuilibrin emocional.
Këshilla: Besoni intuitës suaj, por veproni me maturi.
© Të gjitha të drejtat e rezervuara
$ads={2}
.png)
Post a Comment