Dashi
Marsi do e ndezë jetën tuaj gjatë kësaj dite dhe në shumë momente do ndiheni të tensionuar e të shqetësuar. Nervozizmi nuk do ketë të mbaruar dhe kjo mund t’iu lodhë emocionalisht. Ka mundësi që ju të dashuruarit të mos keni një ditë shumë të qëndrueshme. Nuk do mendoni në të njëjtën mënyrë si partneri dhe kjo do e ndezë mjaft atmosferën mes jush. Debatet mund të lindin edhe për gjëra të vogla, ndaj përpiquni të ruani vetëkontrollin. Nëse jeni beqarë, nuk do arrini të realizoni asnjë takim të veçantë dhe kjo do ju dekurajojë më shumë sesa duhet. Në punë, nëse punoni në grup, situata mund të marrë një drejtim tërësisht tjetër nga ai që kishit parashikuar. Dëgjojini me kujdes shefat dhe mos bëni veprime që bien ndesh me udhëzimet e tyre. Në planin financiar do përballeni me vështirësi dhe do ndiheni të pasigurt për hapat që duhet të hidhni më parë.
Shëndeti: Stresi dhe tensioni nervor mund t’iu lodhin, ndaj shmangni debatet dhe bëni pushime të shkurtra gjatë ditës.
Këshilla e Ditës: Para se të reagoni, ndaloni një çast dhe mendoni pasojat.
Demi
Gjatë kësaj dite duhet të bëni shumë kujdes që të mos bini pre e provokimeve, sepse mund të futeni në një rrugë pa dalje. Qetësia dhe vetëpërmbajtja do jenë armët tuaja më të forta. Nëse jeni në një lidhje, marrëdhënia në çift do jetë e qetë, por nuk priten emocione të mëdha apo surpriza të veçanta. Jetojeni çdo moment ashtu si t’iu vijë, pa u stresuar dhe pa bërë plane të largëta. Ju beqarët do jeni mjaft joshës dhe do merrni propozime, por nuk do jeni në humor të mirë për t’i pranuar apo për të dalë në takime. Në punë, elokuenca dhe aftësia për të komunikuar do ju ndihmojnë të zgjidhni edhe problemet më delikate. Tregohuni diskretë dhe mos ua shpalosni qëllimet të gjithë kolegëve. Ndikimi i Hënës do jetë negativ në planin financiar. Ekuilibri do tronditet ndjeshëm, sidomos për shkak të shpenzimeve të tepruara.
Shëndeti: Kujdesuni për ushqimin dhe shmangni lodhjen e tepërt.
Këshilla e Ditës: Heshtja dhe maturia sot vlejnë më shumë se çdo fjalë e nxituar.
Binjakët
Ka mundësi që gjatë gjithë kësaj dite të jeni kapricozë dhe të mos arrini të mbani një drejtim të vetëm. Mendimet do ndryshojnë shpesh dhe kjo do ju fusë në debate të shpeshta. Për ju që jeni në një lidhje, tensioni do fillojë të shuhet gradualisht, por mos prisni që partneri të sillet sikur asgjë nuk ka ndodhur. Gjërat do rregullohen, por me kalimin e ditëve dhe jo menjëherë. Ju beqarët nuk do jeni të interesuar për aventura kalimtare dhe do zgjidhni të qëndroni ende vetëm. Në punë, mëngjesi do jetë delikat dhe i paqartë, por pas mesditës yjet do ju ndihmojnë të rifitoni motivimin. Do ndodhin zhvillime që i keni pritur prej kohësh dhe mund të merrni vendime me rëndësi të madhe. Në planin financiar do përballeni me vështirësi serioze, ndaj bëni shumë kujdes me shpenzimet.
Shëndeti: Luhatjet emocionale mund t’iu lodhin mendërisht. Pushoni më shumë.
Këshilla e Ditës: Mos kërkoni zgjidhje të menjëhershme për gjithçka.
Gaforrja
Gjatë ditës së sotme do keni shumë iniciativë dhe do dini saktësisht si të ecni në rrugën e duhur. Gjërat do ju shkojnë edhe më mirë nga sa i kishit parashikuar. Nëse jeni në një lidhje, shenja juaj do jetë ndër më të favorizuarat. Do përjetoni emocione të forta dhe kënaqësi pa fund pranë partnerit. Ju beqarët do jeni edhe më joshës dhe plot dëshirë për të krijuar një lidhje të re. Nëse afroheni me dikë që pëlqeni, mos ngurroni t’i shprehni ndjenjat hapur sepse kjo do krijojë më shumë siguri për të ardhmen. Në punë, gjërat nuk do funksionojnë tamam siç i keni dëshiruar. Mund të hasni vonesa dhe kjo do ju mërzitë disi. Financat do jenë më të mira falë ndihmës dhe mbështetjes që do iu japin familjarët.
Shëndeti: Gjendje e mirë fizike, por shmangni lodhjen e tepërt mendore.
Këshilla e Ditës: Besoni tek vetja dhe mos u dorëzoni nga pengesat e vogla.
Luani
Marsi do ju bëjë të reflektoni më thellë sot dhe më shpejt sesa zakonisht. Idetë do i keni të mira, por duhet të shmangni impulsivitetin. Nëse jeni në një lidhje, merrini gjërat ashtu si t’iu vijnë dhe mos u ndikoni nga opinionet e të tjerëve. Në fund të fundit, është jeta juaj dhe zgjedhjet janë tuajat. Ju beqarët do keni një ditë të qetë dhe pa takime domethënëse. Merruni me aktivitete të tjera dhe mos e mbani mendjen vetëm tek dashuria. Në punë do iu jepen detyra të reja sepse keni fituar besimin e shefave. Do çliroheni nga disa detyrime të vjetra dhe do i bëni gjërat më lehtë. Për shkak të shpenzimeve të konsiderueshme, financat do dalin përkohësisht nga ekuilibri.
Shëndeti: Kujdesuni për energjinë fizike dhe mos e teproni me lodhjen.
Këshilla e Ditës: Mendimi i qetë sjell vendime më të zgjuara.
Virgjëresha
Ka mundësi që gjatë kësaj dite ta keni të vështirë të shprehni qartë idetë, mendimet dhe ndjenjat. Megjithatë, pavarësisht vështirësive, duhet të bëni përpjekjet tuaja dhe të mos dorëzoheni. Për ju të dashuruarit priten përgjithësisht momente pozitive. Çdo gjë do ecë sipas pritshmërive dhe nuk do ketë konflikte me partnerin. Ju beqarët do krijoni miqësi të reja dhe një prej tyre shumë shpejt mund të shndërrohet në diçka më serioze. Në punë do ndodhin situata të çuditshme, ndaj duhet t’i bëni sytë katër. Para se të merrni vendime të rëndësishme, këshillohuni edhe me miqtë tuaj. Nëse financat nuk janë në gjendjen më të mirë, mos hezitoni të kërkoni borxhet që disa persona ju kanë marrë më parë.
Shëndeti: Stresi mund të ndikojë tek përqendrimi, ndaj bëni pushime të shpeshta.
Këshilla e Ditës: Mos e mbani gjithçka brenda vetes, komunikimi është zgjidhja.
Peshorja
Neptuni do ju verbojë gjatë kësaj dite dhe mund të mos i bëni me kujdes llogaritë apo zgjedhjet që keni përpara. Ka rrezik të humbisni kohë kot, duke u marrë me gjëra dytësore dhe duke neglizhuar atë që ka vërtet rëndësi. Monotonia dhe një ndjenjë trishtimi mund ta pushtojnë lidhjen tuaj sentimentale. Do ishte gabim i madh të mbylleni në vetvete apo të merrni vendime të nxituara. Ruajeni komunikimin me partnerin dhe përpiquni të flisni hapur për çdo shqetësim. Urani do jetë planeti që do favorizojë takimet sentimentale për ju beqarët dhe do ua zbukurojë ndjeshëm ditën. Përfitoni sa më shumë nga këto mundësi. Në punë do u dëshmoni të gjithëve se jeni të devotshëm dhe se nuk neglizhoni asnjë detaj. Kritikat do i pranoni pa vështirësi dhe do bëni përpjekje të vazhdueshme për të arritur sa më lart. Perspektivat financiare duken vërtet të shkëlqyera.
Shëndeti: Mund të ndiheni herë pas here të lodhur mendërisht. Pushoni mjaftueshëm dhe shmangni shpërqendrimet.
Këshilla e Ditës: Mos u humbni në iluzione, përqendrohuni tek ajo që është reale.
Akrepi
Dita e sotme pritet të jetë paksa e vështirë dhe herë pas here do keni dyshime për hapat që duhet të hidhni. Ju të dashuruarit do ndjeni pasiguri ndaj partnerit dhe kjo do krijojë një atmosferë aspak të qetë në çift. Shmangni fjalët e pamenduara dhe mos nxirrni përfundime pa pasur prova të qarta. Ju beqarët do jeni shumë sharmantë dhe do keni aftësinë të bëni për vete këdo që do ju pëlqejë. Në punë ka shumë mundësi që gjërat të ndërlikohen. Konkurrenca do jetë e fortë dhe do hasni vështirësi nëse nuk merrni masa konkrete. Sot nuk është dita për t’iu besuar verbërisht instinktit. Jupiteri do ju nxisë të shpenzoni pa reflektuar dhe për këtë arsye financat do jenë mjaft delikate.
Shëndeti: Tensioni emocional mund të ndikojë tek energjia juaj. Relaksohuni dhe shmangni stresin.
Këshilla e Ditës: Mendoni dy herë para se të veproni apo të flisni.
Shigjetari
Shumë mendime dhe ide do qarkullojnë në kokën tuaj gjatë kësaj dite. Do keni ëndrra dhe plane pafund, por duhet të bëni durim që ato të realizohen. Ju që jeni në një lidhje duhet të reflektoni me kujdes për të ardhmen sentimentale dhe të mos nxitoheni në vendime. Nëse jeni beqarë, në një mënyrë ose në një tjetër do arrini të fitoni zemrën e personit që keni vrojtuar prej kohësh. Më në fund do nisni një angazhim serioz dhe afatgjatë. Në punë do dëshironi të avanconi, por ambienti yjor nuk do jetë shumë favorizues. Tregohuni të kujdesshëm dhe mos e humbni ambicien që ju karakterizon. Mungesa e realizmit në planin financiar mund t’iu çojë drejt gabimeve serioze. Shtrijini këmbët sa keni jorganin.
Shëndeti: Energjia është e paqëndrueshme. Mos e teproni me lodhjen.
Këshilla e Ditës: Durimi sot është aleati juaj më i mirë.
Bricjapi
Gjatë kësaj dite do ecni duke vendosur prioritete të qarta dhe, sado të vështira t’iu duken situatat, do arrini të gjeni ekuilibrin e nevojshëm. Ju të dashuruarit do keni shumë diskutime, por këto do ju ndihmojnë të mendoni më seriozisht për të ardhmen dhe të bëni projekte afatgjata. Të dy do jeni të gatshëm të ndërmerrni iniciativa dhe të provoni gjëra të reja. Ju beqarët nuk do përjetoni diçka të veçantë, përveç disa njohjeve të reja. Në punë mund t’iu propozohet një post shumë i rëndësishëm që do rrisë ndjeshëm reputacionin tuaj. Përfitoni nga ky rast sepse vetëm kështu do ecni përpara. Financat do jenë të stabilizuara dhe kjo do ju qetësojë shumë. Mund të realizoni edhe blerjet që keni planifikuar.
Shëndeti: Gjendje e qëndrueshme, por kujdesuni për pushimin.
Këshilla e Ditës: Mos kini frikë të merrni përgjegjësi më të mëdha.
Ujori
Gjatë kësaj dite gjithçka do ju duket më e thjeshtë, edhe falë sjelljes dhe karizmës suaj. Do ndiheni më të përmbushur dhe më të sigurt në vetvete. Nëse jeni në një lidhje, shtojini pak fantazi marrëdhënies dhe do shihni se atmosfera do ngrohet ndjeshëm. Për të shmangur rutinën, herë pas here duhet të tentoni gjëra të reja. Ju beqarët do takoni dikë me të cilin vërtet ia vlen të krijoni një lidhje serioze. Në punë yjet do ju rizgjojnë dhe do rifilloni projektet e lëna përgjysmë. Do keni si talentin ashtu edhe durimin për të bërë më të mirën. Situata financiare do konsolidohet dhe do keni mundësi të kryeni edhe disa transaksione të rëndësishme.
Shëndeti: Energji e mirë fizike dhe mendore. Vazhdoni këtë ritëm.
Këshilla e Ditës: Besoni më shumë tek idetë tuaja.
Peshqit
Qielli do hapet gjatë kësaj dite dhe gjithçka do ju duket më e lehtë. Do jeni më të hapur dhe pa komplekse, ndaj as sfidat nuk do ju trembin. Pas një periudhe të mbushur me mosmarrëveshje, për ju të dashuruarit gjithçka do fillojë të rregullohet. Do pranoni gabimet dhe do kërkoni falje, duke treguar pjekuri. Nëse jeni më të kuptueshëm, nuk do arrini më në situata të tilla. Ju beqarëve do iu duket sikur personi i ëndrrave po ju bie nga qielli. Në punë do përkushtoheni maksimalisht për të realizuar objektivat dhe për të kapërcyer çdo pengesë. Marrëdhëniet me kolegët do jenë shumë të mira. Pranojini propozimet që do iu bëhen. Shpenzimet e domosdoshme mund t’i bëni, por pa e tejkaluar kufirin.
Shëndeti: Ndiheni më të lehtësuar emocionalisht. Kujdesuni për balancën.
Këshilla e Ditës: Falja dhe mirëkuptimi sjellin qetësi.
© Të gjitha të drejtat e rezervuara
$ads={2}
.png)
Post a Comment