Dashi
Gjatë kësaj dite optimizmi do ju pushtojë gjatë gjithë kohës dhe buzëqeshja do mbizotërojë në çdo çast. Ju të dashuruarit do përjetoni emocione shumë të forta. Partneri do ju bëjë një deklaratë fantastike e cila do ua mbushë zemrën me gëzim. Ju beqarët do jeni gati edhe për aventura kalimtare, mjafton që të mos mbeteni më të vetmuar. Në punë ka mundësi të merrni një propozim mjaft interesant. Peshojini mirë gjërat para se të hidhni vendime të mëdha. Nuk ka për të pasur më kthim mbrapa. Në planin financiar gjendja do vijë duke u përmirësuar. Sido që të jetë, shpenzimet duhet të vazhdoni ende t’i kryeni me maturi.
Shëndeti: Energjia fizike do jetë e mirë, por lodhja e vogël nervore mund t’ju shfaqet në mbrëmje. Kujdesuni për pushimin dhe shmangni stresin e tepërt.
Këshilla e Ditës: Mos e humbni optimizmin edhe kur dilemat ju tundin. Guxoni, por me mend në kokë.
Demi
Ka mundësi t’i shihni gjërat me një sy tjetër sot dhe kjo do ju sjellë goxha probleme. Mundohuni të ndryshoni pa iu ndërlikuar gjërat shumë. Ju të dashuruarit duhet të bëni shumë kujdes që të mos e tradhtoni atë që keni në krah. Po bëtë gabime të tilla, jo vetëm që do ndaheni, por do krijoni edhe një përshtypje të keqe për veten. Ju beqarët ka rrezik të jeni impulsivë dhe mund të hidhni hapa të pamenduar mirë. Në punë do jeni mjaft kompetentë, por do keni persona rreth e rrotull që do mundohen gjithë kohës t’iu prishin planet. Largoni gjithë ata të dyshimtët nga vetja. Sektori i financave ka për të mbetur i qëndrueshëm. Do dini mirë si t’i organizoni të ardhurat.
Shëndeti: Mund të keni luhatje humori dhe pak tension të brendshëm. Bëni aktivitet fizik të lehtë për t’u çliruar.
Këshilla e Ditës: Mos merrni vendime nën impuls. Prisni pak dhe shikoni me qetësi pasojat.
Binjakët
Dielli dhe Saturni do bëhen bashkë gjatë kësaj dite për t’iu siguruar momente edhe më të këndshme. Do dini përherë si të veproni. Venusi, perëndesha e dashurisë, do ketë goxha ndikim për ju që keni një lidhje. Priten momente të këndshme dhe emocione shumë të forta. Ju beqarët gjithashtu do jeni me fat dhe jeta mund t’iu ndryshojë njëherë e përgjithmonë. Në punë do e bëni çdo gjë cilësore dhe do merrni përgëzime të njëpasnjëshme nga shefat tuaj. Në këtë mënyrë do ndiheni edhe më krenarë për veten. Buxheti nuk do jetë i keq, megjithatë që situata të mbetet e qëndrueshme duhet të tregoheni në çdo moment të matur dhe të kujdesshëm.
Shëndeti: Do ndiheni mirë fizikisht dhe me energji të qëndrueshme. Kujdes vetëm me oraret e gjumit që të mos shpërqendroheni.
Këshilla e Ditës: Mos e humbni mundësinë që vjen sot. Jini aktivë dhe të gatshëm të tregoni vlerat tuaja.
Gaforrja
Gjatë kësaj dite do bëni mirë të dëgjoni instinktin pasi ai do ju çojë në rrugën e duhur. Do ju duhet të bëni zgjedhje goxha të rëndësishme. Për ju të dashuruarit priten momente entuziaste. Sot do i shihni gjërat me një sy tjetër dhe për gabimet e bëra do kërkoni falje. Ju beqarët duhet t’i bëni sytë katër në çdo moment të ditës, pasi personi i ëndrrave mund të shfaqet kur ata më pak do e prisni. Në punë do e adhuroni postin e ri që ju është dhënë. Për të arritur qëllimet përfundimtare do jeni të gatshëm edhe të mbani pak distancë nga kolegët. Buxheti do ketë përmirësime goxha të mëdha falë një trashëgimie ose një shpërblimi të majmë.
Shëndeti: Shëndeti fizik është i mirë, por emocionalisht mund të jeni pak të ndjeshëm. Ruani qetësinë dhe mos u merrni me fjalë të kota.
Këshilla e Ditës: Besoni instinktit tuaj. Ai sot është udhërrëfyesi juaj më i saktë.
Luani
Pak nga pak do filloni të keni besim tek ata që ju rrethojnë gjatë kësaj dite dhe do i hidhni hapat më të sigurta. Nëse keni një lidhje, mundohuni të jeni sa më të qetë dhe të mos debatoni për gjëra të kota me atë që keni në krah. Po bëtë të kundërtën, marrëdhënia mes jush do tensionohet. Ju beqarët do bëni mirë të mos i besoni plotësisht pamjes së jashtme të disa personave për të hedhur hapa më tej. Në punë nuk do ju mungojë aspak motivimi, vetëm se nuk duhet t’iu besoni plotësisht personave që do i keni rreth e rrotull. Në planin financiar nuk keni për të pasur asnjë lloj problemi, kështu që mund të jeni të qetë.
Shëndeti: Do keni energji, por jo shumë durim. Kujdes me zemërimin e momentit sepse mund t’ju lodhë nervat.
Këshilla e Ditës: Besoni, por verifikoni. Jo të gjithë janë aq të sinqertë sa duken.
Virgjëresha
Nuk do ju mungojë për asnjë çast realizmi gjatë kësaj dite dhe gjërat kanë për t’iu ecur më së miri. Për ju të dashuruarit e sotmja do jetë e bukur dhe e ekuilibruar. Nuk do ndodhë asnjë lloj problemi apo mosmarrëveshjeje me atë që keni në krah. Ju beqarët do jeni në humor të mirë dhe gati edhe për aventura kalimtare. Për ju e rëndësishme është të mos qëndroni vetëm. Në punë do jeni gjithë kohës nën dritën e projektorëve kështu që duhet të tregoheni të kujdesshëm. Mos thoni fjalë të pamenduara dhe as gjeste të nxituara. Buxheti do jetë disi më i kënaqshëm se më parë, megjithatë mirë është që të prisni edhe pak para se të bëni investime.
Shëndeti: Fizikisht do ndiheni mirë, por lodhja mendore mund të shtohet nga presioni i punës. Organizoni më mirë kohën tuaj.
Këshilla e Ditës: Qëndroni me këmbë në tokë dhe ruani qetësinë, sidomos kur të tjerët ju provokojnë.
Peshorja
Herë pas here do ndodheni në situata të vështira gjatë kësaj dite dhe do ndiheni në ankth për vendimet që duhet të merrni. Për ju të dashuruarit e sotmja do jetë konfliktuale. Në çdo moment do keni debate të forta me partnerin dhe asgjë nuk do ecë si do dëshironit. Nëse jeni beqarë më mirë të mos tentoni të joshni e të flirtoni sepse do ketë persona që do përfitojnë vetëm për t’iu shfrytëzuar. Në punë mos prisni favore nga dikush, por përqendrohuni tek detyra dhe bëni më të mirën që të mundeni. Financat ka rrezik të përkeqësohen ndjeshëm për shkak të shpenzimeve të palogjikshme që do kryeni.
Shëndeti: Sot mund të jeni emocionalisht më të brishtë dhe të stresuar. Mundohuni të ruani qetësinë dhe të bëni pak aktivitet fizik për të larguar tensionin.
Këshilla e Ditës: Mos nxitoni në vendime. Ju duhet qetësi dhe analizë e ftohtë.
Akrepi
Gjatë kësaj dite duhet të bëni përpjekje vërtet të mëdha për të shmangur tensionet dhe problemet në çdo fushë. Ju të dashuruarit do keni mendime shumë të ndryshme nga partneri lidhur me disa çështje dhe marrëdhënia nuk ka për të qenë aspak ashtu si e keni ëndërruar. Po u treguat kokëfortë dhe po nuk pranuat të bashkëpunoni, nuk keni për të ecur gjatë së bashku. Edhe ju beqarët do jeni pa fat në dashuri. Nëse në punë doni të kërkoni një post të ri, bëni kujdes me mënyrën sesi do e kërkoni këtë gjë. Çdo fjalë e gabuar sot mund t’iu sjellë probleme nesër. Buxhetin mbajeni nën kontroll sepse në të kundërt do keni probleme serioze.
Shëndeti: Mund të ndiheni të lodhur mendërisht dhe emocionalisht. Mos e teproni me përgjegjësitë dhe merrni pak kohë për veten.
Këshilla e Ditës: Përkuluni pak në vend të kokëfortësisë. Fleksibiliteti sot ju shpëton nga keqkuptimet.
Shigjetari
Do keni temperament paksa të papërmbajtshëm gjatë kësaj dite, por do mundoheni ta keni çdo gjë në favorin tuaj. Për ju të dashuruarit priten momente mjaft pozitive dhe të këndshme. Do merreni vesh për çdo gjë me partnerin dhe mes jush nuk kanë për të lindur debate. Nëse jeni beqarë duhet të prisni momentin e duhur që t’ia shprehni dikujt ndjenjat. Në punë do t’iu jepet një mundësi shumë interesante, të cilën duhet ta pranoni pa u menduar gjatë. Keni për ta parë sa mirë do ju ecin gjërat më pas. Në planin financiar do ju mbështesin mjaft të afërmit dhe situata do fillojë të normalizohet ndjeshëm.
Shëndeti: Gjendje e mirë fizike dhe energji të qëndrueshme. Kujdes vetëm me emocionet e forta, mos u lini të shpërtheni kot.
Këshilla e Ditës: Pranojeni mundësinë që vjen sot. Është një derë që nuk hapet shpesh.
Bricjapi
Yjet do i keni në favorin tuaj gjatë kësaj dite, por duhet të bëni pak kujdes me mënyrën e të folurit. Nëse keni një lidhje, bëni të pamundurën që t’i kushtoni edhe më shumë kohë partnerit sepse në të kundërt marrëdhënia mes jush do fillojë të ftohet dhe ai mund të shohë diku tjetër. Ju beqarët do jeni shumë të paqëndrueshëm në mendime dhe as vetë nuk do dini çfarë të bëni. Në punë mirë është të mos ua tregoni kolegëve qëllimet tuaja sepse ata do e shfrytëzojnë për t’iu prishur planet. Tregohuni hermetikë dhe do jeni më të fituar. Për financat ka për të qenë një ditë goxha e vështirë dhe stresuese. Bëni kujdes.
Shëndeti: Mund të përjetoni lodhje fizike dhe tension nervor. Përpiquni të mos reagoni me impuls dhe të flini më shumë.
Këshilla e Ditës: Heshtja sot vlen më shumë se fjala. Mos zbuloni planet tuaja.
Ujori
Frika nuk e shmang rrezikun, kështu që sot duhet të keni më shumë besim dhe të jeni fillimisht të ndershëm me veten. Për ju të dashuruarit dita do jetë pak e tensionuar. Do jeni më të logjikshëm dhe do kuptoni edhe gabimet e bëra më herët. Ju beqarët do joshni gjatë gjithë kohës, por nuk do arrini ende të ndërtoni një lidhje. Në punë do i keni mendimet e qarta dhe do ndiqni strategji strikte. Çdo gjë për ju ka për të ecur edhe më mirë nga sa e kishit menduar. Në planin financiar Plutoni do ju shtyjë të tentoni mënyra të shpejta për të fituar para. Kujdes sepse po gabuat mund të humbni më shumë sesa të fitoni.
Shëndeti: Do jeni pak të tensionuar, sidomos nga mendimet e shumta. Praktikoni frymëmarrje të thellë ose pak meditim.
Këshilla e Ditës: Mos kërkoni rrugë të shkurtra në ekonomi. Qëndroni të sigurt dhe të matur.
Peshqit
Gjatë kësaj dite ka rrezik që gjërat t’iu ecin keq. Do mërziteni shpesh dhe do ndiheni të pafuqishëm për të vepruar. Nëse keni një lidhje, motivet e debateve me partnerin do jenë të shumta. Nëse tregoheni paksa më të drejtpërdrejtë me të, mbase gjërat mund të përmirësohen. Nëse nga ana tjetër jeni beqarë, duhet të shfrytëzoni çdo mundësi që do t’iu jepet për të dalë dhe për të njohur persona të rinj. Në punë duhet të mbani pak distancë nga personat që dikur ju kanë bërë dëm. Nga ana tjetër, bëhuni të duruar dhe fillimisht mundohuni të vini rregull. Në planin financiar duhet të jeni sa më vigjilentë sepse vetëm kështu do shmangni problemet.
Shëndeti: Mund të ndiheni të lodhur dhe të demotivuar. Kujdesuni për veten duke bërë pushime të shkurtra ose duke dalë në ajër të pastër.
Këshilla e Ditës: Mos i lini emocionet t’ju sundojnë. Merrni frymë dhe veproni me maturi.
© Të gjitha të drejtat e rezervuara
$ads={2}
.png)
Post a Comment