Dashi
Do jeni shumë të paduruar gjatë kësaj dite dhe mund të hidhni hapa të pamenduara mirë. Tregohuni disi më tolerantë nëse nuk doni që gjithçka të marrë tatëpjetën.
Nëse jeni në një lidhje, sot do ketë zhvillime shumë të rëndësishme. Në mëngjes do bëni gabime që mund ta lëndojnë partnerin, por menjëherë do reflektoni dhe në mbrëmje mund të organizoni darka romantike. Zemra e partnerit është e brishtë dhe ai do ju falë, por kjo nuk do të thotë që herë tjetër duhet të abuzoni.
Ju beqarët do pëlqeni shumë dikë, por rivaliteti i fortë do ju stepë dhe do hezitoni të hidhni hapa.
Në punë ka rrezik të mos jeni shumë të organizuar dhe kjo do ju shtyjë drejt vështirësive.
As me shpenzimet nuk do bëni kujdes dhe financat do jenë delikate.
Shëndeti:
Stresi emocional mund të krijojë lodhje fizike. Merrni kohë për veten dhe shmangni nxitimet. Një shëtitje e qetë në ajër të pastër do ju bëjë mirë.
Këshilla e Ditës:
Mos veproni me nxitim, një hap i vogël i menduar mirë vlen më shumë se dhjetë hapa të shpejtë e të gabuar.
Demi
Ka mundësi që sot të përballeni me disa zhgënjime dashurie dhe do ndiheni të mërzitur. Dëgjoni më shumë arsyen sepse vetëm ashtu do dilni më shpejt nga periudha e vështirë.
Nëse jeni në një lidhje do keni debate të forta me partnerin dhe nuk do arrini të gjeni gjuhën e përbashkët. Edhe familjarët do e fryjnë situatën.
Ju beqarët sot nuk do arrini dot të ndryshoni statusin, jo të gjithë janë ata që duken, ndaj hapni sytë.
Në punë disa pengesa ligjore ose administrative do vënë në pikëpyetje planet tuaja.
Financat nuk do jenë as të shkëlqyera, por as problem i madh.
Shëndeti:
Shmangni ngarkesat emocionale. Mund të shfaqen dhimbje koke nga tensioni. Mos lini veten pa pushim.
Këshilla e Ditës:
Mos i besoni askujt verbërisht, sot nevojitet maturi dhe logjikë.
Binjakët
Gjatë kësaj dite nuk do jeni në humor ndriçues dhe nuk do dëshironi të ndryshoni zakonet. Lëshimet mund t’i lini për ditë tjetër.
Ju të dashuruarit do e dëgjoni partnerin, por nuk do pranoni të bëni detyrimisht atë që ai mendon se është më e logjikshmja. Mund të ketë disa debate.
Ju beqarët do jeni sharmantë dhe shumë tërheqës, por nuk do keni besim të plotë për të hedhur hapa të sigurta.
Në punë nuk do ndiheni të sigurt dhe herë pas here do ngurroni.
Financat: mos rrezikoni sot, pasi më vonë mund të keni vështirësi.
Shëndeti:
Mund të ndjeni luhatje energjie. Kujdes me ushqimet e shpejta dhe me mungesën e gjumit.
Këshilla e Ditës:
Flisni qartë dhe mos i lini gjërat pezull, komunikimi i sinqertë shmang keqkuptimet.
Gaforrja
Sot nuk do lejoni askënd të marrë vendime në vendin tuaj.
Nëse jeni në një lidhje do bëni diskutime të sinqerta dhe do gjeni zgjidhje për çështjet që ju kanë brengosur. Vendosmëria e të dyve do admirohet.
Ju beqarët do jeni më të qartë në ndjenja dhe nuk do hezitoni të shprehni pëlqimin, por mos prisni fillime të menjëhershme.
Në punë do jeni të motivuar dhe mund t’i bindni shefat për një projekt të rëndësishëm.
Financat do mbeten të mira nëse shpenzoni me mend.
Shëndeti:
Energjia do jetë e mirë. Vetëm shmangni ushqimet e rënda që ju rëndojnë stomakun.
Këshilla e Ditës:
Qëndroni të sinqertë, sot e vërteta hap dyert që dyshimi i mbyll.
Luani
Puna dhe financat mund t’iu sjellin disa vështirësi, të cilat mund t’i kaloni vetëm falë inteligjencës dhe mbështetjes së të afërmve.
Në dashuri mund të ketë ndonjë debat, por pas disa orësh do e ndjeni mungesën e partnerit dhe gjithçka do qetësohet. Mbrëmja do jetë më e ngrohtë.
Ju beqarët do vini re se një koleg ju shikon ndryshe dhe flirton me delikatesë.
Në punë do jetë e vështirë të arrini objektivat sepse disa kolegë mund t’ju pengojnë.
Financat: shpenzoni vetëm për gjërat e domosdoshme.
Shëndeti:
Mund të ketë lodhje fizike nga stresi profesional. Krijoni ritme më të qeta dhe hidratojeni trupin.
Këshilla e Ditës:
Mos u dorëzoni, edhe sfida më e vështirë zbutet me qetësi dhe inteligjencë.
Virgjëresha
Hëna dhe Venusi nuk do jenë në anën tuaj sot, ndaj prisni vështirësi. Do hezitoni të hidhni hapa dhe mund të mbylleni pak në vetvete.
Nëse jeni në një lidhje kujdes me fjalët që thoni, sepse partneri është i ndjeshëm dhe nuk do i përballojë dot tonet e ashpra.
Ju beqarët do jeni të pasigurt dhe mund të anuloni një takim në moment të fundit.
Në punë nuk është dita e duhur për të kërkuar rritje page dhe as për të shtyrë projekte të mëdha, nuk do arrini objektivat.
Financat: mos u fiksoni tek lotaritë; nuk është zgjidhje.
Shëndeti:
Mund të jeni emocionalisht të lodhur. Merrni pak kohë për qetësi dhe fleteni më shumë.
Këshilla e Ditës:
Mos u ngutni, sot fiton ai që ruan qetësinë dhe vështron me sy të ftohtë.
Peshorja
Urani dhe Hëna do sjellin ngjarje të papritura që do ju ndihmojnë të merrni drejtimin e duhur.
Nëse jeni në një lidhje, në shumë momente do ju duket sikur partneri nuk ju sheh me dashuri si më parë dhe do mërziteni. Para se të dilni në përfundime, flisni hapur me të.
Ju beqarët do jeni më të matur dhe nuk do hidheni menjëherë në krahët e dikujt që do ju vijë vërdallë. Kjo në fakt do jetë zgjidhja më e mirë.
Në punë, nëse po bashkëpunoni me kolegë për një projekt gjigand, do ju duket sikur jo të gjithë po japin të njëjtin kontribut dhe do ju vijë inat.
Në planin financiar vigjilenca që do tregoni do bëjë që gjendja të përmirësohet.
Shëndeti:
Mund të ndjeni pak lodhje mendore për shkak të pasigurive emocionale. Mbani ritme të qeta dhe shmangni grindjet, pasi ndikojnë në energjinë tuaj.
Këshilla e Ditës:
Mos gjykoni pa dëgjuar deri në fund. E vërteta është më e qetë se mendimet tuaja.
Akrepi
Sot duhet të bëni pak pushim dhe të distancoheni nga të gjithë për të reflektuar për hapat e ardhshëm.
Nëse jeni në një lidhje mos mbani pengje, por flisni sa më hapur me partnerin dhe zgjidhni mosmarrëveshjet. Mund të lëndoheni pak, por është më mirë sesa të mbanit gjithçka brenda vetes.
Ju beqarët duhet thjesht ta hapni zemrën dhe të njiheni me sa më shumë persona. Kjo do jetë një arritje e madhe.
Në punë do ju duhet të luftoni shumë fort për të mbrojtur idetë dhe interesat tuaja.
Me shpenzimet nuk do i keni punët mirë, ndaj priten vështirësi edhe në këtë sektor.
Shëndeti:
Stresi emocional mund të rritet. Pushoni më shumë dhe shmangni vendet që ju rëndojnë psikologjikisht.
Këshilla e Ditës:
Hapuni me njerëzit e duhur, nuk mund t’i mbani të gjitha peshat vetëm.
Shigjetari
As mos e vrisni mendjen për opinionet e të tjerëve sot. Bëni atë që ndieni.
Nëse keni një lidhje do bëni çdo përpjekje për t’u riafruar me partnerin dhe për të rifilluar gjithçka nga fillimi. Gabimet e bëra së fundmi do i kuptoni dhe do kërkoni falje. Fatmirësisht partneri do ju falë, por kjo nuk do të thotë se ka harruar gjithçka.
Ju beqarët nuk do ndiheni ende të bindur nga dikush dhe nuk do tentoni as sot t’i afroheni.
Në punë do keni liri veprimi dhe do jeni të arsyeshëm. Askush nuk do mundet t’ju ndalojë.
Me shpenzimet tregohuni realistë që financat të mbeten të stabilizuara.
Shëndeti:
Energjia do jetë e mirë, por kujdes me impulsivitetin. Mund të harxhoni më shumë energji sesa keni.
Këshilla e Ditës:
Më shumë qetësi, më shumë fitore. Mos e ngatërroni lirinë me nxitim.
Bricjapi
Komunikimi me të tjerët do jetë shumë i mirë sot. Do keni një fuqi bindëse që tërheq vëmendjen e të gjithëve.
Nëse jeni në një lidhje, provoni aktivitete të reja për ta mbajtur gjallë entuziazmin dhe pasionin. Partneri do jetë i gatshëm t’ju ndjekë kudo.
Ju beqarët do kërkoni dikë që t’ju ofrojë liri, dhe sot mund të keni njohje të shumta.
Në punë do jeni të ndërgjegjshëm se puna në grup sjell rezultate më të larta. Do bashkëpunoni fort me kolegët.
Financat do jenë të mira, madje mund të arrini të hiqni disa para mënjanë.
Shëndeti:
Shëndeti paraqitet i qëndrueshëm. Mbani pak kujdes vetëm me gjumin dhe mbingarkesën.
Këshilla e Ditës:
Bashkëpunoni më shumë, suksesi i sotëm vjen nga harmonia me të tjerët.
Ujori
Sot më shumë se kurrë do doni të jetoni sipas ritmit tuaj. Herë pas here mund të ndiheni të lodhur.
Ju të dashuruarit do jeni gati për të festuar dhe provuar gjëra të reja, por partneri nuk do ju ndjekë gjithmonë.
Ju beqarët do joshni shumë falë ndikimit të Venusit, kudo që të shkoni.
Në punë do jeni energjikë dhe do merreni me shumë gjëra njëherësh.
Me financat do veproni me kujdes, do bëni ekonomi dhe do mendoni për të ardhmen.
Shëndeti:
Shmangni mbingarkesën. Trupi kërkon pushim edhe kur mendja ka dëshirë të ecë përpara.
Këshilla e Ditës:
Mos vraponi më shumë sesa mundeni, ritmi i duhur sjell qartësi.
Peshqit
Sot do mundoheni të hiqni dorë nga disa zakone të këqija që ju kanë krijuar probleme dhe do arrini rezultate të mira.
Nëse jeni në një lidhje dhe partneri nuk kujdeset për ju, do vendosni pikat mbi “i” dhe do gjeni zgjidhjen më të mirë për qetësinë tuaj.
Ju beqarët do jeni më të disponueshëm për takime dhe në mbrëmje mund të njihni dikë që do ju ngrohë zemrën.
Në punë pas shumë mundi do fillojnë të konkretizohen planet tuaja dhe do ndiheni krenarë për veten.
Shpenzime do ketë, por me kujdes, kështu që financat do mbeten të mira.
Shëndeti:
Emocionet mund t’ju lodhin pak, por gjendja fizike do jetë e qëndrueshme. Kujdesuni për qetësinë shpirtërore.
Këshilla e Ditës:
Mos u ktheni pas, dita e sotme shpërblen ata që ndryshojnë dhe ecin përpara.
© Të gjitha të drejtat e rezervuara
$ads={2}
.png)
Post a Comment