Dashi
Mos reagoni në gjaknxehtësi e sipër gjatë kësaj dite sepse do bëni gabime që do i vuani gjatë. Nën ndikimin e Marsit ju të dashuruarit do përballeni me disa situata të sikletshme, megjithatë mos u shqetësoni sepse do i kaloni pa problem dhe në mbrëmje do të rindizet pasioni si më parë. Për ju beqarët nuk do jetë ditë me fat dhe nuk do ketë takime interesante. Në punë do jeni shumë të kujdesshëm dhe të matur. Asgjë nuk do ju nevrikosë dhe kjo do jetë pika më e fortë për të arritur atje ku keni dashur. Ekuilibri buxhetor do të mbrohet nga yjet dhe do keni një përmirësim të ndjeshëm të të ardhurave.
Shëndeti: Kujdes me nervozizmin dhe lodhjen, shmangni tensionet.
Këshilla e Ditës: Merrni frymë thellë përpara se të reagoni.
Demi
Hëna do ju nxitë të keni edhe më shumë besim tek vetja gjatë kësaj dite dhe me maturi e delikatesë do zgjidhni çdo vështirësi. Rutina do jetë armiku më i madh i jetës në çift. Do doni me gjithë shpirt të ndryshoni gjithçka për të përjetuar emocione të reja dhe nëse do ju jepet mundësia për ndonjë aventurë do e keni të vështirë t’i rezistoni tundimit. Ju beqarët do përjetoni dashuri me shikim të parë dhe nuk do e dëgjoni arsyen, por zemrën. Në punë do jepni çdo gjë nga vetja për të arritur atje ku dëshironi. Të gjithë do ju vlerësojnë për aftësitë dhe këmbënguljen. Financat do fillojnë të rriten falë një çmimi ose përfitimi që mund të merrni.
Shëndeti: Do ndiheni energjikë, por shmangni teprimet me ushqim dhe lodhjen.
Këshilla e Ditës: Besoni tek forcat tuaja dhe mos u tundoni lehtë.
Binjakët
Mendohuni mirë para se të veproni gjatë kësaj dite dhe keni për të përfituar pafund. Mendimet e të tjerëve dëgjojini, por mos i merrni si bazë. Nëse keni një lidhje, edhe pse do jeni paksa irritues, partneri do tregojë durim dhe do ju lërë hapësirë për t’u shprehur. Ju beqarët do hidhni hapa të mëtejshëm me atë që pëlqeni prej kohësh dhe mund të mendoni edhe për zyrtarizime të shpejta. Në punë, sidomos nëse jeni në fushën e industrisë, do merrni një lajm të mirë që do ju motivojë më shumë. Financat do jenë në qetësi të plotë, por mos shpresoni për fitime të mëdha rastësore.
Shëndeti: Stresi mund t’ju shoqërojë, gjeni kohë për pushim.
Këshilla e Ditës: Mos merrni vendime nxitimthi, prisni momentin e duhur.
Gaforrja
Një çështje e lënë pezull prej kohësh sot do zgjidhet lehtësisht. Do jeni më të kujdesshëm dhe do ndiqni instinktin. Në jetën në çift gjithçka do të rregullohet shpejt dhe klima do të ngrohet. Tek ju beqarët do ndikojë Plutoni, i cili do sjellë pasion dhe kënaqësi të shumta. Ka gjasa që personi që do takoni të jetë demi ose luani. Në punë do jeni perfeksionistë dhe nuk do lini asgjë pas dore. Gjithçka do jetë e kuruar deri në detaje dhe shefat do ju vlerësojnë më shumë. Me maturi në financa do arrini surpriza të këndshme.
Shëndeti: Do jeni në formë të mirë, por kujdes me lodhjen e syve dhe nervozizmin.
Këshilla e Ditës: Ndiqni instinktin tuaj, ai do ju udhëheqë saktë.
Luani
Gjatë kësaj dite do vlerësoheni shumë për sinqeritetin. Mund të mos pranoni fajet e bëra, por kjo nuk do ndikojë shumë. Ju që keni një lidhje edhe pse do jeni irritues, partneri do tregojë durim dhe do ju lërë të shpreheni lirshëm. Ju beqarët do afroheni me dikë që pëlqeni prej kohësh dhe mund të ketë zyrtarizime. Në punë do dëshironi të ndryshoni rutinën dhe do bëni të pamundurën për t’i konkretizuar ëndrrat. Financat do jenë të qëndrueshme, por mos shpresoni për fitime të mëdha rastësore.
Shëndeti: Do jeni të ekuilibruar, por mos e teproni me aktivitetin fizik.
Këshilla e Ditës: Përdorni sinqeritetin si armën tuaj më të fortë.
Virgjëresha
Gjatë kësaj dite do i kaloni të gjitha pengesat dhe do ecni më qetësisht përpara. Ju që jeni në një lidhje do keni mbështetjen e Uranit dhe gjërat që keni pritur prej kohësh do realizohen. Mund të nisni bashkëjetesën. Ju beqarët do keni një ditë të favorshme për lidhje të qëndrueshme, por mos nxitoni. Në punë, edhe nëse merrni ndonjë përgjigje negative, mos u dorëzoni. Vazhdoni përpjekjet. Urani do ndikojë tek financat duke ju shtyrë drejt shpenzimeve pa limit, prandaj kujdes.
Shëndeti: Shëndeti në përgjithësi i qëndrueshëm, por ruani ekuilibrin nervor.
Këshilla e Ditës: Mos i bëni gjërat me nxitim, durimi sjell sukses.
Peshorja
Nëse doni që gjithçka t’iu ecë më mirë duhet t’i besoni Hënës sot dhe të ndiqni këshillat e saj. Ky planet në fakt këshillon shumë maturi dhe kujdes në hedhjen e hapave. Nëse jeni në një lidhje do mendoni se nuk keni përfituar shumë nga koha e beqarisë dhe do tentoni aventura. Ju që jeni ende vetëm do e vuani aq shumë këtë situatë saqë do e mbyllni me dy dyer zemrën tuaj. Do jeni të dëshpëruar. Yjet nga ana tjetër ju këshillojnë të tregoheni më të hapur sepse do ketë edhe takime. Në punë herë pas here do ndiheni edhe të bllokuar, por nuk do lejoni që të humbisni. Tregohuni me striktë me menaxhimin e financave që mos bini në humnerë.
Shëndeti: Stresi mund t’ju lodhë më shumë se zakonisht. Bëni kujdes me pagjumësinë dhe gjeni kohë për qetësi shpirtërore.
Këshilla: Hapeni zemrën dhe mos i mbyllni dyert e mundësive të reja. Ndonjëherë, ajo që mendoni se është humbje, është në të vërtetë një fillim i ri.
Akrepi
Neptuni do ju shtojë edhe më shumë dëshirën për të realizuar disa nga ëndrrat tuaja më të bukura dhe më të çmendura. Për ju që keni një lidhje, deti i dashurisë mund të ketë disa dallgë, të cilat do ua prishin paksa qetësinë në çift. Fatmirësisht mund të mbështeteni tek Jupiteri dhe Venusi, të cilët do iu ndihmojnë të përballoni gjithçka. Ju beqarët nuk do jeni aspak të tërhequr nga aventurat pa të ardhme, por kësaj here do takoni personin ideal. Në punë do merrni kritika, por kjo nuk duhet t’iu mërzitë. Pranojini gabimet dhe mundohuni që të bëni më të mirën që sot e tutje. Me financat nuk do keni asnjë problem, por gjithsesi mirë është të tregoheni të kujdesshëm.
Shëndeti: Kujdesuni për ushqimin dhe shmangni ngarkesat e tepruara fizike. Një shëtitje në ajër të pastër do ju qetësojë.
Këshilla: Mos e humbisni besimin te vetja. Kritikat janë mësime që ju forcojnë dhe ju bëjnë më të aftë.
Shigjetari
Më në fund do i zgjidhni të gjitha problemet gjatë kësaj dite dhe gjërat do funksionojnë më së miri. Nëse keni një lidhje do futeni në një fazë të re. Marrëdhënia me partnerin do ketë goxha përmirësime kështu që mundohuni të përfitoni sa të mundni. Për ju beqarët dita do jetë mjaft e favorshme dhe e mbushur me premtime. Do jetë gabim i pafalshëm nëse ju nuk përfitoni deri në maksimum. Në punë do ndiheni të aftë të bëni çdo gjë, megjithatë mirë është të mos e neglizhoni kundërshtarin. Për shkak të investimeve të mira që keni bërë më parë të ardhurat do të rritin. Në këtë mënyrë do zgjidhni edhe një problem.
Shëndeti: Do jeni energjikë dhe në formë të mirë, por mos e lodhni trupin me aktivitete të panevojshme.
Këshilla: Shfrytëzojeni ditën për të ecur përpara. Mundësitë nuk përsëriten shpesh.
Bricjapi
Meditimi dhe durimi do ju ndihmojnë të kaloni çdo sfidë që do iu dalë para sot. Nëse do iu duhet të nënshkruani kontrata apo të hidhni hapa të mëdha mirë është të pyesni edhe të afërmit. Saturni do ndikojë në jetën në çift dhe do iu ndihmojë ta kaloni më lehtë krizën që ka filluar. Mos u bëni shumë kërkues dhe të paduruar. Ruani gjakftohtësinë që të mos përsëriten zënkat. Ju beqarët nuk do keni fat në dashuri, por gjithsesi nuk duhet ta humbin shpresën. Në punë do jeni goxha të ngarkuar kështu që përgatituni edhe për më shumë lodhje se zakonisht. Marsi dhe Mërkuri do e ekuilibrojnë buxhetin dhe financat do kenë rritje të konsiderueshme.
Shëndeti: Lodhja mund t’ju rëndojë sot. Jepini trupit pushimin që i nevojitet.
Këshilla: Mos e humbni durimin. Çdo gjë ka kohën e vet për t’u zgjidhur.
Ujori
Hëna nuk do ju favorizojë shumë sot dhe herë pas here mund të ndiheni nëpër udhëkryqe. A priori, prezenca e Venusit do duhet të mbronte jetën tuaj në çift, por në fakt ju do jeni të shpërqendruar dhe mendimet nuk do iu përputhen shumë me njëri-tjetrin. Për ju beqarët do jetë në program joshja. Përfitoni nga kjo për të bërë për vete atë që iu pëlqen. Me pak përpjekje keni për ta parë se do ia dilni. Në punë, do kaloni më shumë kohë në kuzhinë duke folur me kolegët sesa para kompjuterit. Mund të merrni edhe ndonjë kritikë të vogël. Sektori financiar do vazhdojë të jetë i mbrojtur. Falënderoni yjet për këtë sepse pa to do kishit shumë probleme.
Shëndeti: Kujdes me lodhjen mendore. Një orë pushim apo meditim mund t’ju rikthejë ekuilibrin.
Këshilla: Shmangni shpërqendrimet dhe fokusohuni tek ajo që është vërtet e rëndësishme.
Peshqit
Gjatë kësaj dite do jeni më të frymëzuar falë Mërkurit dhe Jupiterit. Jepini edhe pak më shumë kurajë vetes dhe keni për të arritur atë që dëshironi. Nëse jeni në një lidhje dhe ndiheni të lumtur, asgjë nuk do mund ta prishë atmosferën që është krijuar. Pasion, entuziazëm dhe mirëkuptim pafund do ketë sot. Ju beqarët duhet të përfitoni sa të mundin nga liria që keni sepse më vonë mund të mos e keni më kaq të plotë. Në punë mos kërkoni perfeksionizëm, por fokusohuni tek detyrat kryesore dhe mos u shpërqendroni nga gjërat e vogla. Sektori financiar do jetë i qëndrueshëm dhe do kryeni investime të zgjuara që do ju bëjnë të ndiheni më të sigurt, por sërish shmangni rreziqet e panevojshme.
Shëndeti: Do ndiheni mirë fizikisht, por shmangni stresin e tepërt që mund t’ju lodhë mendërisht.
Këshilla e Ditës: Mbështetuni tek frymëzimi dhe mos kini frikë të guxoni për ëndrrat tuaja.
© Të gjitha të drejtat e rezervuara
$ads={2}
.png)
Post a Comment