Dashi
Pak nga pak stresi do largohet sot dhe gjërat do fillojnë të normalizohen. Marsi dhe Hëna do jenë mbështetje e fortë. Për ju që keni një lidhje, të gjitha problemet dhe vështirësitë që keni pasur do marrin fund. Pranë partnerit do ndiheni shumë më mirë nga më parë dhe do hidhni hapa të sigurt drejt së ardhmes. Ju beqarët do jeni gati edhe për aventura kalimtare, mjafton që të mos mbeteni më të vetmuar si më parë. Në punë do ndiheni shpesh në udhëkryq sepse ka ardhur koha të merrni vendime të mëdha. Sido që të vijnë gjërat nuk duhet të nxitoheni. Në planin financiar do jeni të nxituar dhe ka gjasa të bëni disa gabime.
Shëndeti: Shëndeti do përmirësohet ndjeshëm, megjithatë shmangni teprimin me lodhjen mendore. Pushimi do ju ndihmojë të rifitoni energjinë.
Këshilla: Mos i merrni vendimet e rëndësishme nën presion. Jepini kohë vetes dhe gjithçka do qartësohet.
Demi
Ka shumë mundësi të jeni tërësisht të shpërqendruar sot dhe do harroni shumë gjëra thelbësore. Ju të dashuruarit do keni divergjenca të mëdha me partnerin dhe nuk do mendoni të bëni asnjë lloj tolerimi ndaj tij. Beqarët nga ana tjetër ka mundësi që ta çojnë më tej një njohje të fundit, të cilën e mendonin si pa të ardhme. Në punë priten ndryshime të mëdha. Vërtet dita do jetë delikate dhe e trazuar, por në fund gjërat do ecin në drejtimin e duhur. Mos e humbni shpresën asnjëherë. Sektori i financave do lërë për të dëshiruar, prandaj do jeni të detyruar të hiqni dorë nga disa shpenzime në mënyrë që t’ia dilni mbanë.
Shëndeti: Mund të ndiheni të lodhur dhe nervozë për shkak të stresit. Kujdes me ushqimin dhe gjumin.
Këshilla: Mundohuni të tregoheni më të butë dhe të pranoni dialogun. Toleranca do shmangë konfliktet e panevojshme.
Binjakët
Sa më mirë të ndiheni me veten sot aq më të thjeshta do i keni gjërat. Natyra kreative do ju ndihmojë të arrini lart. Ju të dashuruarit do i jepni prioritet absolut jetës tuaj në çift dhe do e bëni çdo moment të jashtëzakonshëm. Ju beqarët do keni disa takime, por asnjë nga personat nuk do iu bëjë t’iu rrahë zemra fort. Kjo është arsyeja pse do stepeni për të hedhur hapa. Jeta profesionale do ecë edhe më mirë nga sa e keni menduar. Do jeni largpamës, të motivuar dhe mjaft të vendosur. Për fat edhe disa kolegë do ju mbështesin fort. Falë planetëve, sektori i financave ka për të qenë më i privilegjuar se kurrë ndonjëherë më parë. Do ndiheni goxha më të qetë.
Shëndeti: Gjendja shëndetësore do jetë e mirë. Aktiviteti fizik i lehtë do ju ndihmojë të ruani ekuilibrin mendor e trupor.
Këshilla: Shfrytëzojeni energjinë kreative për të ndërtuar diçka të re. Është momenti i duhur për të realizuar plane afatgjata.
Gaforrja
Nëse zbatoni disa parime thelbësore dhe bëni lëshime sot, do ju ecë çdo gjë më së miri. Nuk do keni më as probleme serioze. Ju të dashuruarit do kaloni një ditë të qetë dhe pa probleme. Në mbrëmje planetët do ua plotësojnë dëshirat një e nga një. Ju beqarët nuk do doni të filloni lidhje edhe pse disa persona do bëjnë të pamundurën për t’iu pasur gjithë kohës pranë. Në punë do jepni më të mirën nga vetja dhe shefat do kenë besim absolut. Keni për ta parë sesi do ju ndryshojë e ardhmja që sot e tutje. Në planin financiar do jetë Marsi që do ndikojë negativisht dhe mund të sjellë probleme të njëpasnjëshme. Merrni masa pa pasur tronditje të forta.
Shëndeti: Do ndiheni mirë, por stresi i brendshëm mund të ndikojë tek gjumi dhe energjia. Kujdesuni për pushimin dhe mos e teproni me lodhjen.
Këshilla e Ditës: Përdorni diplomacinë dhe do e shihni që çdo situatë e ndërlikuar do zgjidhet shumë më lehtë.
Luani
Marsi do ju bëjë shumë të zotët sot dhe do arrini të kontrolloni çdo gjë duke mos lënë të papritura. Do keni aftësinë të përshtateni me çdo situatë. Përmirësimi që ka filluar në jetën tuaj sentimentale do të vazhdojë edhe gjatë kësaj dite dhe të gjitha problemet që kishit do të zhduken. Kërkoni falje nëse keni bërë më parë ndonjë gabim dhe do iu falin. Ju beqarët do ndihmoheni mjaft nga Venusi, i cili do iu bëjë të lundroni në detin e dashurisë dhe kënaqësisë. Në punë mos reagoni kuturu sepse keni për të pasur probleme serioze. Dëgjojini me kujdes këshillat e kolegëve të vjetër. Maturia në sektorin financiar do jetë shumë e domosdoshme.
Shëndeti: Energjia do jetë e lartë, por mos harroni të gjeni kohë për relaksim që të mos e shteroni forcën fizike.
Këshilla e Ditës: Mbani nën kontroll emocionet dhe mos merrni vendime të shpejta. Durimi sot do jetë arma juaj më e fortë.
Virgjëresha
Nuk do jeni shumë të butë gjatë kësaj dite dhe ndonjëherë mund të tregoheni më të ashpër sesa duhet me personat që ju rrethojnë. Nëse keni një lidhje, marrëdhënia me partnerin do të përmirësohet mjaft. Nuk do keni asgjë për çfarë të ankoheni sepse ai që dashuroni do ua plotësojë të gjitha qejfet. Ju beqarët do keni mundësi të provoni një dashuri të sinqertë dhe shumë të bukur. Ëndrra juaj më në fund do të bëhet realitet. Në punë nuk do duroni dot që të tjerët t’iu thonë çfarë duhet të bëni dhe mund të debatoni me disa. Financat do rrezikohen ndjeshëm pasi do keni tendencë të shpenzoni pa i hedhur sytë nga buxheti.
Shëndeti: Kujdes me tensionin nervor. Mund të shfaqet lodhje mendore për shkak të debateve dhe stresit. Frymëmarrja e thellë dhe aktivitetet relaksuese do ju ndihmojnë.
Këshilla e Ditës: Mos i lini nervat t’iu dominojnë. Përdorni logjikën dhe maturinë për të shmangur konfliktet e panevojshme.
Peshorja
Herë pas here mund të bëheni edhe nervozë gjatë kësaj dite, por do dini si të qetësoheni dhe si të ndalni presionin. Për ju që keni një lidhje, ndikimi i Venusit do jetë mjaft pozitiv. Klima do jetë më e ngrohtë dhe më harmonike sesa ju e mendonit. Nëse jeni beqarë do bëni mirë të kaloni më shumë kohë me miqtë dhe jo të kërkoni dashurinë. Nuk do jeni të favorizuar në këtë sektor. Për punën ka për të qenë një ditë vendimtare. Do i realizoni një e nga një të gjitha objektivat dhe do ndiheni më krenarë për veten. Shefat mundet edhe t’iu lavdërojnë para të gjithëve. Në planin financiar do jetë Urani ai që do iu ndihmojë ta përmirësoni situatën.
Shëndeti: Tensionet nervore mund t’iu lodhin, por pushimi dhe aktivitetet e qeta do ju ndihmojnë të rikuperoni energjitë.
Këshilla e Ditës: Ruani ekuilibrin dhe mos lejoni që nervat t’iu prishin marrëdhëniet me të tjerët.
Akrepi
Gjatë kësaj dite do keni nevojë jetike të rigjeni vetveten. Reflektoni me kujdes, qëndroni në qetësi dhe do e gjeni paqen. Nëse jeni në një lidhje nuk do i keni gjërat shumë të lehta dhe herë pas here mund të mërziteni. Në fakt partneri nuk do jetë në humor dhe mundet t’iu thotë gjëra të gabuara. Mundohuni të mos ja vini veshin sepse nuk do dijë çfarë do thotë. Ju beqarët do i jepni më shumë rëndësi shoqërisë dhe do dilni shumë sot. Kjo do jetë një mundësi e mirë për të realizuar edhe njohje. Në punë do bëni të pamundurën për ta konsoliduar situatën dhe do ja dilni mbanë me sukses. Për financat duhet të këshilloheni me specialistë të fushës sepse ata do ju ndihmojnë vërtet.
Shëndeti: Lodhja mendore do ndihet sot. Shmangni konfliktet dhe gjeni momente për reflektim dhe qetësi shpirtërore.
Këshilla e Ditës: Mos e merrni çdo fjalë të partnerit apo të tjerëve seriozisht. Sot është më e rëndësishme të ruani qetësinë tuaj.
Shigjetari
Hëna do ketë ndikim shumë të madh sot në jetën tuaj dhe do sjellë vetëm çaste të bukura. Për ju që jeni në një lidhje do jetë një ditë e hareshme. Mes jush dhe partnerit çdo gjë do ecë sipas parashikimeve. Më në fund do bindeni plotësisht se ai është i duhuri. Ju beqarët do keni disa njohje të reja, por vetëm me persona të shenjës së binjakëve mund të mendoni të hidhni hapa. Marsi do jetë planeti më i begatë për sektorin profesional. Do ju pëlqejë shumë hyrja në kontakt me persona të shumëllojshëm. Në planin financiar nuk parashikohen aspak probleme sepse çdo hap që do e hidhni do e bëni me largpamësi.
Shëndeti: Do ndiheni energjikë dhe optimistë. Aktiviteti fizik në natyrë do ju japë edhe më shumë vitalitet.
Këshilla e Ditës: Mos e humbni mundësinë për të njohur njerëz të rinj. Sot një takim i thjeshtë mund të hapë dyer të reja në jetë.
Bricjapi
Gjatë kësaj dite duhet të bëni të pamundurën për t’iu qëndruar sa më larg konflikteve sepse ato do ua përkeqësojnë jetën dhe do ju vënë para provave të vështira. Nëse jeni në një lidhje ka rrezik të kapeni edhe pas gjërave më të vogla me partnerin tuaj dhe do ju duket sikur gjithmonë ua kanë fajin të tjerët. Reflektoni dhe keni për ta kuptuar se gaboheni. Ju beqarët më mirë të bëni durim dhe të prisni edhe pak kohë para se të hidhni hapa sepse nëse i bëni sot do lëndoheni shpejt. Në punë do jetë ditë shumë e trazuar dhe do bëni gabime të njëpasnjëshme. Gjendja financiare do mbetet delikate dhe e paqëndrueshme.
Shëndeti: Nervozizmi i tepruar mund t’iu sjellë lodhje mendore. Kujdesuni të flini më shumë orë gjumë dhe të konsumoni ushqime të lehta.
Këshilla e ditës: Mos kërkoni fajtorë jashtë vetes, por shikoni edhe gabimet tuaja. Vetëm kështu do ecni përpara.
Ujori
Sot planetët do sjellin ndryshime të mëdha për ju. Do ndiheni më mirë dhe zemra do ju mbushet me optimizëm. Për ju të dashuruarit, ndikimi shumë i madh i Plutonit do bëjë që të mos keni asnjë problem me partnerin. Dita do jetë euforike dhe rutina do të largohet. Herë pas here do ndiheni mjaft të lumtur. Ju beqarët do ndikoheni pozitivisht nga Urani dhe mund të keni edhe takime që do lënë mbresa. Në punë dëgjojini shefat dhe mos bëni të kundërtat e asaj që do ju kërkohet. Vetëm kështu do ecni para. Me menaxhimin e financave do tregoheni paksa indiferentë dhe problemet do shtohen.
Shëndeti: Energjia do rikthehet dhe do ndiheni më të qetë, por shmangni ushqimet e rënda që mund të rëndojnë organizmin.
Këshilla e ditës: Dëgjoni më shumë dhe veproni më pak. Durimi sot është arma juaj më e fortë.
Peshqit
Hëna do ju bëjë shumë më të vendosur sot. Do jeni edhe më të motivuar dhe nuk do ndaleni përpara sfidave që do ju dalin. Ju që jeni në një lidhje do i shtoni dozat e fantazisë dhe do bëni çdo gjë që atmosfera të mbetet e ngrohtë. Idetë origjinale dhe kujdesi që do ofroni do e bindin partnerin se ka bërë mirë që ju ka zgjedhur. Ju beqarët duhet t’i merrni gjërat me qetësi, por nga ana tjetër mos kini frikë të hidhni hapa. Në punë do ndiheni shpesh të bllokuar, por nuk do dorëzoheni. Mesazhet që do ju japin kolegët duhet t’i dëgjoni me kujdes. Shpenzimet bëjini të mirëmenduara që të mos keni probleme më pas.
Shëndeti: Do ndiheni më energjikë, por stresi i mbledhur mund të ju sjellë dhimbje koke. Aktiviteti fizik i lehtë do iu ndihmojë shumë.
Këshilla e ditës: Besoni tek aftësitë tuaja dhe mos lejoni askënd t’iu ndalojë.
© Të gjitha të drejtat e rezervuara
$ads={2}
.png)
Post a Comment