Dashi
Neptuni, Dielli dhe Mërkuri do iu ndihmojnë pafundësisht sot dhe do ju bëjnë shumë më të logjikshëm. Nëse keni një lidhje duhet të gjeni mënyrën e duhur për ta shprehur sa më shumë pasionin, pasi vetëm kështu marrëdhënia me partnerin do përmirësohet e do jetë më elektrizuese. Ju beqarët nuk duhet të pranoni me sy mbyllur çdo ftesë që do iu bëhet sepse mund të lëndoheni dhe mund të vuani gjatë. Në punë do keni më shumë avantazh nga kolegët tuaj dhe do merrni më shumë vlerësime. Mund të përfitoni edhe ndonjë bonus. Perspektivat materiale duken goxha të mira, megjithatë po nuk bëtë pak kursime nuk do pasuroheni dot.
Shëndeti: Do ndiheni më energjikë dhe me më shumë optimizëm. Kujdesuni që të pushoni mjaftueshëm për të ruajtur ekuilibrin fizik dhe mendor.
Këshilla e ditës: Përqendrohuni tek ajo që keni dhe mos kërkoni vazhdimisht më shumë, lumturia është edhe tek e thjeshta.
Demi
Edhe pse Hëna do ju përballë me shumë sfida gjatë kësaj dite ju do ja dilni mbanë t’i kaloni. Nëse keni një lidhje, marrëdhënia juaj do i bëjë ballë problemeve e vështirësive që do dalin. Do jeni shumë më të logjikshëm të dyja palët dhe do i kuptoni edhe gabimet që keni bërë. Ju beqarët as nuk do mendoheni dy herë para se të bëni përzgjedhje sepse zemra do ju ndizet flakë. Në punë qielli do jetë plot re dhe shpesh nuk do i shihni gjërat qartësisht. Më mirë qetësohuni njëherë e më pas hidhni hapa më tej. Buxheti do jetë goxha i mirë kështu që mund të përfitoni nga rasti për të bërë disa investime më tepër.
Shëndeti: Do jeni më të qëndrueshëm dhe të vendosur, por kujdesuni të mos lodheni tepër. Një dietë e ekuilibruar do iu mbajë në formë.
Këshilla e ditës: Mos u dorëzoni para sfidave, çdo pengesë është një mësim i vlefshëm.
Binjakët
Gjatë kësaj dite do ndiheni paksa në ankth dhe jo shumë të qetë për të vazhduar para. Për ju të dashuruarit, edhe pse Plutoni do jetë vendosur keq në qiellin tuaj dhe do nxitë debatet, ju sërish do i përballoni ato me sukses dhe dita do mbyllet në mënyrën më të mirë të mundshme. Ju beqarët do keni një ditë goxha të trazuar dhe nuk do e keni aspak mendjen tek krijimi i një lidhjeje. Ju do keni gjëra shumë më të rëndësishme me çfarë të merren. Në punë nuk do ju mungojë dëshira dhe energjia, por rrethanat do vijnë të tilla që shpesh do gjendeni në vështirësi. Financat do jenë gjithë kohës të mira.
Shëndeti: Ankthi dhe lodhja mund t’iu lodhin, prandaj gjeni pak kohë për pushim dhe relaksim. Shmangni mendimet e panevojshme.
Këshilla e ditës: Mos lejoni që stresi t’iu kontrollojë, merrni frymë thellë dhe ecni me hapa të vegjël por të sigurt.
Gaforrja
Kjo ditë do jetë si një ëndërr e bukur që më në fund merr jetë. Për ju që jeni në një lidhje, sot do përjetoni emocione të jashtëzakonshme. Problemet e së shkuarës do mbyllen përgjithmonë dhe do i jepni vend dashurisë e qetësisë. Ju beqarët mund të mos keni shumë fat në dashuri, por nuk do ndiheni të vetmuar, pasi miqtë dhe familja do ju qëndrojnë pranë duke ju dhuruar ngrohtësi. Në punë do jeni me fat dhe shumë situata do zgjidhen me lehtësi të habitshme. Sot nuk do ketë asgjë të pamundur. Financat megjithatë do vijojnë të mbeten të brishta dhe kërkojnë më shumë kujdes.
Shëndeti: Energjia e mirë shpirtërore do ju mbajë në formë, por duhet të tregoni kujdes me ushqimin e tepërt dhe lodhjen mendore. Pushoni më shumë dhe mos harroni aktivitetin fizik të lehtë.
Këshilla: Mos u ankoni për atë që mungon, por shijoni atë që tashmë keni, sepse aty fshihet lumturia e vërtetë.
Luani
Dita e sotme do sjellë më në fund ekuilibër dhe qetësi. Në dashuri, marrëdhënia juaj me partnerin do përmirësohet ndjeshëm dhe do tregoheni shumë më tolerantë. Pengjet e së shkuarës do zhduken dhe do hapet një faqe e re në historinë tuaj të dashurisë. Ju beqarët do tregoheni të kujdesshëm dhe me maturi do afroheni me personin që ju tërheq. Mbrëmja do jetë e mbushur me emocione të forta. Në punë do ndiqni instinktin tuaj dhe energjia e brendshme do ju ndihmojë të kaloni çdo sfidë. Gjërat do duken shumë më të lehta se më parë. Kujdesi më i madh duhet t’i kushtohet financave, sepse rreziku i shpenzimeve të tepërta është i lartë.
Shëndeti: Do ndiheni më vitalë dhe me humor të mirë, megjithatë shmangni streset e kota dhe pushoni më shumë për të ruajtur energjinë. Një regjim ushqimor i rregullt do ju ndihmojë të ndiheni më të lehtë.
Këshilla: Forca juaj qëndron te mënyra se si përballoni sfidat. Mos e lini mendjen të mposhtet nga frika, sepse ajo është vetëm një iluzion.
Virgjëresha
Sot do kërkoni mbi të gjitha qetësinë dhe universi do ua japë këtë dhuratë. Për ju që jeni në një lidhje dita do mbushet me çaste të lumtura, pa asnjë debat apo keqkuptim. Marrëdhënia do rrjedhë natyrshëm dhe plot harmoni. Ju beqarët nuk do doni të mbeteni vetëm dhe do pranoni edhe aventura kalimtare, vetëm për të thyer rutinën. Mundësitë për takime do jenë të shumta. Në punë do tregoni përkushtim dhe aftësi duke përmbushur çdo detyrë që ju është ngarkuar. Sa i përket financave, tregoni kujdes dhe shmangni shpenzimet e panevojshme, sepse menaxhimi i mirë sot do sjellë stabilitet nesër.
Shëndeti: Gjendja fizike do jetë e mirë, por shmangni mbingarkesën mendore. Një shëtitje në natyrë ose pak meditimi do ju ndihmojë të rifreskoni energjitë.
Këshilla: Mos kërkoni përsosmëri absolute, sepse ajo nuk ekziston. Pranoni të metat e vogla dhe do jetoni më të qetë.
Peshorja
Në mëngjes mendimet tuaja mund të jenë paksa të paqarta, por mbështetja e familjarëve do ju ndihmojë të qetësoheni dhe të shihni gjërat më kthjellët. Për ju që jeni në një lidhje dita do jetë e mbushur me romancë dhe surpriza nga partneri, ndërsa atmosfera do mbetet e mrekullueshme gjatë gjithë kohës. Beqarët do e kenë disi të vështirë ta ndryshojnë statusin dhe kjo mund t’i bëjë të ndihen bosh, ndaj më mirë është të angazhohen me aktivitete që i argëtojnë. Në punë do jeni plot energji dhe të gatshëm për të marrë përgjegjësi të reja. Nuk do mungojnë rastet për të ndihmuar edhe miqtë tuaj. Financat do jenë pozitive dhe mund të përfitoni për të menduar ose bërë investime të matura.
Shëndeti: Kujdesuni për pushimin dhe hidratimin, pasi mund të ndiheni pak të lodhur në mes të ditës. Një shëtitje në ajër të pastër do ju bëjë mirë.
Këshilla: Mos u nxitoni në marrjen e vendimeve financiare, por mendoni gjithçka me kujdes dhe konsultohuni edhe me ata që kanë përvojë.
Akrepi
Edhe pse do irritoheni shpejt sot, do arrini të gjeni qetësinë përmes komunikimit. Çdo mosmarrëveshje që do lindë do mund ta zgjidhni pa e zgjatur shumë. Në çift do ndiheni më të afërt dhe do tregoheni të kujdesshëm për të mirën e përbashkët. Beqarët do ndihmohen nga ndikimi i Diellit dhe do kenë mundësi të takojnë dikë që përputhet me karakterin e tyre. Në punë do tregoheni të kujdesshëm për të ruajtur pozicionin dhe reputacionin që keni ndërtuar. Financat do mbeten në një gjendje të mirë, mjaftueshëm për të përballuar shpenzimet dhe për të lënë mënjanë një shumë të vogël.
Shëndeti: Kujdesuni nga lodhja nervore. Një aktivitet i lehtë fizik ose meditimi do ju ndihmojë të balanconi energjitë.
Këshilla: Mos e lini zemërimin t’ju udhëheqë, përpiquni të ruani qetësinë dhe gjërat do ju duken më të lehta.
Shigjetari
Dita do jetë mjaft pozitive dhe gjërat do rrjedhin natyrshëm pa arsye për t’u mërzitur. Në dashuri, Jupiteri do sjellë harmoni dhe qetësi në çift, duke i bërë marrëdhëniet më të ngrohta e të sinqerta. Beqarët do kenë takime të papritura që mund t’ua ndryshojnë jetën rrënjësisht. Në punë mund të përballeni me vonesa ose pengesa të vogla, por pas mesditës gjithçka do ecë më mirë. Mos harroni se këto situata janë kalimtare. Për financat dita është mjaft e favorshme: do keni ide të qarta dhe mund të ndërmerrni investime të zgjuara.
Shëndeti: Energjia juaj do jetë më e fortë pasdite. Kujdesuni për ushqimin dhe mos e teproni me lodhjen.
Këshilla: Mos e humbni optimizmin në momentet e para të vështira. Pas çdo pengese fshihet një mundësi e re.
Bricjapi
Sot në shumë momente gjërat mund të ndërlikohen dhe ju nuk do ndiheni të qetë. Ju të dashuruarit do kërkoni edhe më tepër pavarësi në çift dhe kjo mund të ndezë herë pas here disa debate. Po u treguat më të logjikshëm keni për të pasur përfitime më të mëdha. Ju beqarët do keni disa takime shumë të rëndësishme dhe ka mundësi që jeta t'iu ndryshojë për mirë. Në punë do merrni përsipër disa detyra të reja dhe do ja dilni për mrekulli. Në këto momente asgjë nuk ju duket e paarritshme. Me shpenzimet mos u tregoni shumë impulsivë sepse keni për të pasur tronditje të mëdha.
Shëndeti sot mund të luhatet, ndaj shmangni lodhjen e tepërt fizike dhe stresin e panevojshëm. Kujdesuni për gjumin dhe mos e teproni me kafen.
Këshilla e ditës: Qetësohuni para se të merrni vendime dhe mos e lini emocionin t’ju udhëheqë.
Ujori
Gjatë kësaj dite asgjë nuk do iu ecë ashtu si e kishit menduar. Mund t’iu dalin probleme pas problemesh. Për ju të dashuruarit e sotmja do jetë shumë e keqe. Do keni debate e konflikte të njëpasnjëshme dhe do ndiheni me të vërtetë keq. Nëse jeni beqarë do keni veçse mundësi për aventura kalimtare dhe do përfitoni pafund prej tyre. Në punë do keni disa diskutime të pakëndshme me kolegët tuaj dhe do shpërqendroheni tërësisht. Do ju duhet pak kohë ta rimerrni veten dhe të vazhdoni ato që keni nisur. Sektori i financave do jetë i trazuar dhe nuk do arrini dot të kryeni as shpenzimet më të domosdoshme. Bëni kujdes.
Shëndeti kërkon shumë kujdes, sidomos nga nervozizmi i tepruar që mund të sjellë dhimbje koke apo tension të lartë. Shmangni debatet dhe gjeni pak qetësi.
Këshilla e ditës: Mos u dorëzoni përballë vështirësive, gjithçka është kalimtare.
Peshqit
Pa dashur sot mund të futeni nëpër situata të tensionuara dhe do ndiheni vërtet keq. Ju të dashuruarit, edhe pse do jeni shumë ambicioze për jetën profesionale, sërish nuk do e kaloni në plan të dytë jetën sentimentale. Marsi do ua shtojë dëshirat dhe do argëtoheni pafund. Ju beqarët do e gjeni më në fund princin tuaj të kaltër dhe do filloni një lidhje shumë të qëndrueshme. Në punë do lodheni shumë me detyrat e reja që keni filluar. Bëni herë pas here pushim sepse përndryshe nuk do i vazhdoni gjërat si duhet. Buxhetin do dini si ta organizoni gjatë gjithë kohës dhe nuk do keni as problemin më të vogël.
Shëndeti do jetë i qëndrueshëm, por lodhja mendore mund t’ju dëmtojë nëse nuk i kushtoni rëndësi pushimit dhe ushqyerjes së rregullt.
Këshilla e ditës: Jepini vetes më shumë kohë për qetësi dhe mos harroni se edhe gjërat e vogla sjellin gëzim.
© Të gjitha të drejtat e rezervuara
$ads={2}
.png)
Post a Comment