Dashi
Mundohuni të jeni sa më realistë gjatë kësaj dite dhe të mos ëndërroni më shumë sesa duhet. Sektorit financiar kushtojini vëmendje të veçantë sepse aty mund të lindin problemet kryesore. Ju të dashuruarit do kaloni një ditë rutinë, pa ndonjë ngjarje të veçantë. Merrini gjërat shtruar dhe mos kërkoni emocione të mëdha. Ju beqarët duhet të tregoheni më të duruar në mënyrë që të gjeni personin e duhur, sepse nxitimi nuk do ju çojë askund. Në punë, edhe pse nuk do ju kritikojnë hapur, dijeni se gabimet që do bëni do kuptohen nga të gjithë. Eprorët do ju vëzhgojnë me kujdes gjatë gjithë kohës dhe do analizojnë sjelljen tuaj, prandaj tregohuni sa më korrektë. Financat do jenë pika juaj më e dobët. Nuk do i rezistoni dot dëshirës për të blerë gjëra luksoze dhe rrezikoni të shpenzoni pa kufi.
Shëndeti: Kujdes nga lodhja mendore dhe tensioni i brendshëm. Pushoni sa herë të keni mundësi.
Këshilla e Ditës: Vendosni kufij të qartë për shpenzimet dhe mos veproni nga impulsi.
Demi
Edhe pse planetët do ju bëjnë përgjithësisht të logjikshëm gjatë kësaj dite, herë pas here do e humbisni besimin tek vetja dhe do ndiheni të pasigurt për të vepruar. Klima për ju të dashuruarit nuk do jetë aq e ngrohtë sa e kishit imagjinuar dhe në disa momente do lindin mosmarrëveshje me partnerin. Tregohuni të matur dhe mos i dramatizoni situatat. Ju beqarët do jeni të pavëmendshëm dhe nuk do përfitoni sa duhet nga ftesat që do ju bëhen. Në punë gjithçka do ju duket më e vështirë nga sa është realisht dhe do mendoni se nuk mund t’i përmbushni kërkesat. Optimizmi do ju mungojë, por kjo gjendje është e përkohshme. Financat nuk do jenë problematike, edhe pse do kryeni ndonjë shpenzim më tepër se zakonisht.
Shëndeti: Pasiguria emocionale mund t’ju lodhë, prandaj kërkoni qetësi.
Këshilla e Ditës: Besoni më shumë tek aftësitë tuaja dhe mos e nënvlerësoni veten.
Binjakët
Gjatë kësaj dite nuk do jeni në humorin më të mirë dhe do ndikoheni lehtësisht nga mendimet dhe qëndrimet e të tjerëve. Shpesh mund të ndodheni edhe në situata delikate. Nëse jeni në një lidhje, do e kundërshtoni shpesh partnerin dhe do keni mosmarrëveshje të shumta me të. Kujdes, sepse edhe durimi i tij ka një kufi. Ju beqarët nuk do keni sukses në dashuri, edhe pse do përpiqeni maksimalisht. Do ju duhet ende të prisni për një moment më të favorshëm. Në punë, puna në grup do ju sjellë arritje më të mëdha. Do tregoni karakter të fortë dhe nuk do përthyheni përballë sfidave. Në planin financiar do jeni shumë të vëmendshëm dhe nuk do përjetoni asnjë tronditje.
Shëndeti: Gjendja emocionale e luhatshme mund të ndikojë në energjinë tuaj.
Këshilla e Ditës: Mos lejoni që humori i keq t’ju prishë marrëdhëniet me të tjerët.
Gaforrja
Më mirë merrini gjërat si t’ju vijnë gjatë kësaj dite dhe shmangni bërjen e planeve afatgjata. Kështu do evitoni zhgënjimet dhe mërzitjet e panevojshme. Për ju që jeni në një lidhje, dita do jetë e paqëndrueshme. Herë do dashuroheni fort dhe herë do debatoni ashpër me partnerin. Ju beqarët do filloni më shpejt nga sa mendoni një histori të bukur dashurie me një person vërtet të veçantë dhe me shumë vlera. Në punë, detyrat e reja do ju duken shumë të vështira dhe në fillim do mendoni se nuk do ia dilni dot. Për fat të mirë, pas mesditës Marsi do ju ndihmojë t’i shihni gjërat më qartë. Të ardhurat do fillojnë të rriten me ritme më të shpejta nga sa e kishit parashikuar.
Shëndeti: Ndryshimet e humorit mund t’ju lodhin emocionalisht.
Këshilla e Ditës: Mos u frikësoni nga sfidat e reja, sepse do t’i përballoni me sukses.
Luani
Gjatë kësaj dite do jeni shumë më optimistë dhe Dielli do ju japë edhe më tepër energji. Nëse jeni në një lidhje nuk do keni asnjë dyshim mbi partnerin dhe jeta sentimentale do ju ecë ashtu si e kishit ëndërruar. Do provoni kënaqësi dhe eksperienca të reja që do ju afrojnë edhe më shumë. Ju beqarët do i jepni prioritet absolut dashurisë dhe nuk do lini vend pa kërkuar princin e kaltër. Fati do jetë në anën tuaj. Në punë gjithçka që keni pritur do realizohet. Shefat do ju mbështesin pa kushte dhe do merrni shumë përgëzime. Gjendja financiare do fillojë të përmirësohet dhe sakrificat e bëra më parë do japin rezultatet e shumëpritura.
Shëndeti: Energjia do jetë e lartë dhe do ndiheni në formë të mirë.
Këshilla e Ditës: Shijoni suksesin, por mos harroni të qëndroni modestë.
Virgjëresha
Gjatë kësaj dite nuk do jeni gjithmonë të logjikshëm dhe ka rrezik të bëni disa gabime që mund t’ju kushtojnë. Nëse jeni në një lidhje do i jepni më shumë rëndësi jetës sentimentale dhe do lini pak pas dore miqtë dhe familjen, por ata do ju kuptojnë. Pasioni do jetë i fortë dhe emocionet të pandërprera. Ju beqarët do ndiheni shumë mirë me statusin aktual dhe nuk do keni dëshirë të bëni ndryshime. Në punë mjaft folët, tani është koha për veprim. Mundohuni të jeni më të organizuar që gjithçka ta zgjidhni më lehtë. Në planin financiar fati do ju buzëqeshë dhe do arrini të zgjidhni problemet që kishin mbetur pezull.
Shëndeti: Kujdes nga lodhja fizike dhe mungesa e përqendrimit.
Këshilla e Ditës: Organizimi dhe veprimi konkret do ju çojnë drejt suksesit.
Peshorja
Gjatë kësaj dite do dini t’i bëni me kujdes llogaritë dhe nuk do futeni aspak nëpër probleme. Do tregoheni të matur dhe të kthjellët në vendimmarrje, madje mund të merrni edhe disa vendime shumë të rëndësishme për të ardhmen. Për ju që jeni në një lidhje do ketë shumë momente të këndshme. Do merreni vesh për mrekulli me partnerin dhe nuk do lindë asnjë lloj mosmarrëveshjeje. Harmonia dhe mirëkuptimi do jenë pika juaj më e fortë. Ju beqarët do ndiheni më gati se kurrë për aventura, pavarësisht sa do të zgjasin ato, dhe do e shijoni lirinë tuaj pa komplekse. Në punë do kërkoni një post të ri dhe, falë arritjeve dhe rezultateve që keni pasur deri tani, do ia dilni me sukses. Shefat do bëjnë çmos që t’ju kenë pjesë të stafit të tyre. Në planin financiar do hasni disa vështirësi, megjithatë me pak përkujdes dhe falë ndihmës së disa familjarëve do ia dilni mbanë.
Shëndeti: Gjendja e përgjithshme do jetë e mirë, por shmangni stresin mendor.
Këshilla e Ditës: Merrni vendime me qetësi dhe mos u ndjeni keq të kërkoni ndihmë kur ju duhet.
Akrepi
Gjatë kësaj dite do keni nevojë t’i shihni gjërat shumë qartë përpara se të hidhni hapa. Ndikimi i Marsit dhe Neptunit do ju ndihmojë të analizoni situatat më thellë dhe të shmangni gabimet. Nëse jeni në një lidhje duhet të kontrolloni sjelljen tuaj, sepse përndryshe mund të lindin probleme serioze me partnerin. Ju beqarët do kaloni një ditë të qëndrueshme dhe të mbushur me takime interesante. Madje mund të ndiheni gati edhe për ta ndryshuar statusin. Në punë disa kolegë nuk do luajnë lojë të pastër, prandaj duhet t’i bëni sytë katër në çdo moment. Do e keni të vështirë të punoni në ekip dhe do preferoni të veproni vetëm. Në planin financiar nuk do keni mbështetjen e yjeve dhe situata do mbetet delikate, ndaj shmangni çdo rrezik.
Shëndeti: Tensioni nervor mund t’ju lodhë më shumë seç duhet.
Këshilla e Ditës: Mos u besoni verbërisht të tjerëve dhe veproni me maturi.
Shigjetari
Sado që të përpiqeni, nuk do arrini të ndiheni plotësisht të lumtur gjatë kësaj dite. Pjesën më të madhe të fajit e keni vetë dhe me kalimin e orëve do e kuptoni arsyen. Ju që jeni në një lidhje do tregoheni shumë xhelozë dhe kjo do e nxehë herë pas here atmosferën. Më mirë është të qetësoheni dhe të flisni hapur e sinqerisht me partnerin. Ju beqarët do jeni shumë tërheqës dhe do merrni propozime të shumta, gjë që do ju rrisë vetëbesimin. Në punë duhet të verifikoni çdo detaj para se të veproni, në mënyrë që të mos përballeni me të papritura të pakëndshme. Mund të ketë edhe disa vonesa që nuk do ju pëlqejnë aspak. Financat do mbeten të qëndrueshme. Të paktën do keni mjaftueshëm për të përballuar shpenzimet më të domosdoshme.
Shëndeti: Luhatjet emocionale mund t’ju sjellin lodhje.
Këshilla e Ditës: Reflektoni për sjelljen tuaj dhe shmangni reagimet impulsive.
Bricjapi
Do jeni shumë të përkushtuar në gjithçka që do bëni sot dhe do tregoheni tepër të vëmendshëm edhe ndaj detajeve më të vogla. Jeta juaj në çift do mbrohet gjatë gjithë kohës nga yjet. Nuk do keni asnjë mosmarrëveshje dhe do ndiheni të qetë e të sigurt pranë partnerit. Ju beqarët do merrni një propozim nga një person i njohur, i cili ka potencialin t’ua ndryshojë rrënjësisht jetën. Në punë do i keni idetë shumë të qarta dhe do dini saktësisht çfarë hapash të hidhni. Nuk priten probleme apo vështirësi. Gjendja financiare do fillojë të normalizohet, pasi do dini t’i frenoni shpenzimet. Nëse mendoni më shumë për të ardhmen, gjërat do ju ecin për mrekulli.
Shëndeti: Do ndiheni të qëndrueshëm fizikisht dhe mendërisht.
Këshilla e Ditës: Vazhdoni të veproni me durim dhe largpamësi.
Ujori
Sot do keni aftësinë t’i shihni gjërat më qartësisht dhe do gjeni zgjidhje edhe për disa probleme që ju kishin shqetësuar prej kohësh. Yjet do jenë të pozicionuar shumë mirë për ju që jeni në një lidhje dhe do dini ta shfrytëzoni çdo sekondë pranë partnerit. Do përjetoni emocione dhe kënaqësi të veçanta. Ju beqarët nuk do i rezistoni dot tundimit dhe do filloni menjëherë një histori dashurie që do ju emocionojë. Në punë idetë e bashkëpunëtorëve do ju ndihmojnë shumë. Do tregoheni më kreativë dhe më të guximshëm se më parë. Në planin financiar situata do jetë kontradiktore dhe nuk do dini saktësisht sa të shpenzoni për të mos krijuar tronditje.
Shëndeti: Energjia do jetë e mirë, por mos e teproni me lodhjen.
Këshilla e Ditës: Mbani nën kontroll financat dhe mos veproni pa plan.
Peshqit
Për shkak të ndikimit të fortë të Marsit dhe Saturnit ka mundësi të bëheni disi egoistë gjatë kësaj dite dhe kjo do ju sjellë probleme. Për ju që jeni në një lidhje do jetë një ditë tejet e tensionuar. Nuk do merreni vesh për asgjë me partnerin dhe debatet do jenë të njëpasnjëshme. Ju beqarët, përkundrazi, do tregoheni të arsyeshëm dhe nuk do hidheni menjëherë në një lidhje me personin që do ju dalë para. Në punë do ju duket sikur dita nuk ka fund dhe lodhja do jetë e madhe. Edhe minutat do ju duken orë, ndaj do përpiqeni ta shtyni kohën me pushime të shpeshta. Në planin financiar gjendja nuk do jetë ashtu si e kishit dëshiruar dhe do kërkojë më shumë durim.
Shëndeti: Lodhja fizike dhe mendore do jetë e theksuar.
Këshilla e Ditës: Mundohuni të ruani qetësinë dhe të mos reagoni nga nervozizmi.
© Të gjitha të drejtat e rezervuara
$ads={2}
.png)
Post a Comment