Dashi
Mirë është që gjatë kësaj dite të mbani disa sekrete për vete dhe të mos tregoni çdo gjë që dini apo ndjeni. Do e shihni se kjo sjellje do ju ndihmojë më shumë sesa mendoni. Nëse keni një lidhje, marrëdhënia me partnerin do fillojë të përmirësohet ndjeshëm. Të dy do tregoheni më tolerantë dhe do bashkëpunoni për gjithçka, duke lënë pas tensionet e mëparshme. Ju beqarët do keni sukses në dashuri dhe më në fund nuk do ndiheni më të vetmuar. Emocionet do jenë të forta dhe zemra do ju rrahë më shpejt se zakonisht. Në punë, pas një periudhe letargjie, situata do ndryshojë ndjeshëm. Do vrojtoni çdo detaj me kujdes dhe nuk do dekurajoheni as nga kritikat. Në planin financiar, Mërkuri do ju ndihmojë të vendosni më shumë rregull dhe të tregoheni më të organizuar.
Shëndeti: Gjendja do jetë e qëndrueshme, por përpiquni të shmangni stresin e tepërt dhe të flini mjaftueshëm.
Këshilla e Ditës: Jo çdo gjë duhet thënë menjëherë; heshtja e mençur shpesh është aleati më i mirë.
Demi
Gjatë kësaj dite do i keni idetë shumë më të qarta dhe do dini saktësisht si të veproni. Mund të provoni edhe gjëra të reja dhe kjo do ju sjellë kënaqësi. Nëse jeni në një lidhje, gjithçka do jetë më e favorshme se më parë. Surprizat e bukura do jenë të njëpasnjëshme dhe emocionet do thellohen. Ju beqarët do ndiheni mirë edhe ashtu siç jeni dhe nuk do kërkoni të krijoni një lidhje serioze. Do dëshironi ta shfrytëzoni lirinë deri në maksimum. Në punë do tregoheni shumë kompetentë dhe do arrini të gjeni zgjidhje edhe për çështjet më delikate. Në planin financiar do fokusoheni tek rritja e të ardhurave dhe me pak më shumë përkujdes mund t’ia arrini qëllimit.
Shëndeti: Do ndiheni mirë fizikisht, por mos e teproni me angazhimet që ju lodhin.
Këshilla e Ditës: Shijoni lirinë, por pa humbur sensin e përgjegjësisë.
Binjakët
Do dini si të fokusoheni tek gjërat më të rëndësishme gjatë kësaj dite dhe, në përgjithësi, nuk do përballeni me probleme serioze. Për ju që keni një lidhje, komunikimi do jetë shumë i mirë dhe do flisni hapur për gjithçka. Edhe pse do shfaqen persona interesantë dhe joshës, nuk do tundoheni të hyni në aventura të shkurtra. Ju beqarët do tërhiqeni nga disa persona, por nuk do guxoni t’i shprehni ndjenjat. Në punë do tregoheni më të ndërgjegjshëm se më parë. Do pranoni gabimet dhe do bëni përpjekje të mëdha për të mos i përsëritur. Financat do jenë përgjithësisht të mbrojtura.
Shëndeti: Kujdesuni për sistemin nervor dhe shmangni mbingarkesën mendore.
Këshilla e Ditës: Ndonjëherë guximi për të folur hapur sjell qartësi dhe lehtësim.
Gaforrja
Do jeni më konkretë gjatë kësaj dite dhe do tërhiqni vëmendjen e të gjithëve. Do ndiheni të rrethuar nga persona që ju duan dhe ju vlerësojnë. Për ju të dashuruarit priten momente shumë të bukura dhe të mbushura me lumturi. Do ndiheni si në ëndërr pranë partnerit dhe është e rëndësishme t’ia shprehni ndjenjat pa hezitim. Ju beqarët do gjendeni përballë një zgjedhjeje të vështirë, ndaj mendohuni mirë para se të vendosni. Në punë, nëse keni nevojë për ndihmë, kërkojeni tek kolegët e vjetër që ju njohin mirë dhe ju kanë orientuar edhe më parë. Financat do jenë të paqëndrueshme, ndaj kujdes me çdo shpenzim.
Shëndeti: Energjia do jetë e mirë, por mos neglizhoni pushimin.
Këshilla e Ditës: Dëgjoni këshillat e atyre që ju duan sinqerisht.
Luani
Gjatë kësaj dite do tregoheni dëgjues shumë të mirë dhe do i merrni gjërat me qetësi. Kjo do ju ndihmojë të shmangni problemet. Falë mbështetjes së planetëve, ju të dashuruarit do jeni më të hapur me partnerin dhe do shprehni pakënaqësitë që keni mbajtur brenda. Kjo do ndihmojë në përmirësimin e situatës. Ju beqarët do keni takime të këndshme, por do ndiheni ende të pavendosur. Në punë do ketë disa ndryshime kryesisht pozitive dhe do përfitoni sidomos nëse tregoheni të kujdesshëm. Financat nuk do jenë problematike dhe do mund të bëni shpenzime të arsyeshme.
Shëndeti: Gjendje e qëndrueshme, por ruani ekuilibrin mes punës dhe pushimit.
Këshilla e Ditës: Qetësia dhe durimi janë forca juaj më e madhe sot.
Virgjëresha
Për shkak të ndikimit jo shumë të favorshëm të yjeve, ka mundësi që situata t’iu ndërlikohet gjatë kësaj dite. Do përpiqeni shumë, por nuk do arrini t’i zgjidhni menjëherë problemet. Ju të dashuruarit duhet të bëni kujdes, sepse nën ndikimin negativ të Neptunit partneri mund të tregojë më shumë rreptësi dhe mungesë tolerance. Mundohuni të mos e kundërshtoni hapur për të shmangur përkeqësimin e situatës. Ju beqarët do kaloni një ditë të qetë dhe pa takime mbresëlënëse. Në punë do ndiheni shpesh nën presion për shkak të vendimeve të rëndësishme që duhet të merrni. Financat kërkojnë maturi dhe kontroll të rreptë të shpenzimeve.
Shëndeti: Kujdesuni për lodhjen nervore dhe mos e teproni me stresin.
Këshilla e Ditës: Mos kërkoni perfeksionin sot; durimi do ju shpërblejë më vonë.
Peshorja
Dita e sotme pritet të jetë e zakonshme dhe pa ndonjë surprizë të madhe, ndaj mirë është t’i merrni gjërat shtruar dhe pa u nxituar. Për ju të dashuruarit, çdo gjë do jetë në favorin tuaj dhe harmonia do mbizotërojë. Në një moment mund të mendoni edhe të hidhni hapa më tej, të cilët do jenë të menduar dhe të mbështetur nga ndjenjat e ndërsjella. Nëse jeni beqarë, do tregoheni të vendosur për ta bërë për vete personin që pëlqeni prej kohësh dhe fati do jetë në anën tuaj në çdo moment. Në punë do pajtoheni me disa kolegë me të cilët keni pasur debate më parë dhe kjo do ju bëjë të ndiheni shumë më të qetë. Do e vazhdoni pa pengesa rrugën që keni nisur. Në planin financiar duhet të shmangni transaksionet e mëdha sepse nuk është koha e duhur për rreziqe.
Shëndeti: Gjendja do jetë e qëndrueshme, por shmangni lodhjen mendore dhe ruani ekuilibrin emocional.
Këshilla e Ditës: Qetësia dhe durimi do ju çojnë më larg sesa çdo nxitim i panevojshëm.
Akrepi
Mundohuni të ecni me prioritete gjatë kësaj dite, sepse vetëm në këtë mënyrë do dilni të fituar. Nëse keni një lidhje, tregohuni besnikë ndaj partnerit dhe mos lejoni asnjë moment që dyshimet apo tundimet t’iu prishin qetësinë. Mund t’iu dalin përpara persona simpatikë, por lidhja që keni ndërtuar ka vlerë më të madhe se çdo iluzion kalimtar. Ju beqarët do ndiheni të mërzitur sepse as sot nuk do arrini të krijoni lidhjen e dëshiruar, por kjo është vetëm një fazë e përkohshme. Në punë situata do sqarohet, por përgjegjësitë do shtohen ndjeshëm. Nëse nuk tregoheni vigjilentë dhe nuk bëni sytë katër, mund të gaboni. Në planin financiar do keni energjinë dhe forcën e nevojshme për të përballuar çdo vështirësi.
Shëndeti: Kujdesuni për lodhjen fizike dhe shmangni tensionin e tepërt nervor.
Këshilla e Ditës: Vendosni qartë çfarë është e rëndësishme dhe mos u shpërqendroni nga detajet e kota.
Shigjetari
Gjatë kësaj dite do përqendroheni më shumë tek jeta profesionale dhe ajo do marrë një zhvillim që nuk e kishit imagjinuar më parë. Karriera do ecë me hapa të shpejtë përpara dhe do ndiheni të kënaqur me veten. Mund të merrni edhe një propozim vërtet të jashtëzakonshëm. Nëse keni një lidhje, shmangni kërkesat e pamundura ndaj partnerit sepse kjo mund ta mërzitë dhe ta lodhë emocionalisht. Jo gjithçka arrihet menjëherë. Mbrëmja do jetë më e këndshme dhe më e qetë. Ju beqarët nuk duhet të nxitoheni për asgjë sepse rrezikoni të bëni gabime të parikthyeshme. Financat do jenë përgjithësisht pozitive, por vazhdoni të tregoheni të matur me shpenzimet.
Shëndeti: Energjia do jetë e mirë, por mos e teproni me angazhimet fizike.
Këshilla e Ditës: Durimi është çelësi që hap dyer më të qëndrueshme.
Bricjapi
Herë pas here do keni disa dyshime për hapat që duhet të hidhni sot, por do arrini të qartësoheni shpejt. Ju të dashuruarit nuk do e ktheni më kokën pas drejt së shkuarës, por do tregoheni largpamës dhe do merrni vendime të rëndësishme për të ardhmen. Partneri do ju qëndrojë pranë dhe do ju mbështesë në çdo hap. Edhe për ju beqarët pritet një ditë premtuese, me takime interesante dhe emocione të reja. Në punë do hezitoni shpesh për të ndërmarrë iniciativa dhe kjo mund t’iu kushtojë. Nëse prisni shumë, mund të humbisni më tepër. Në planin financiar do kryeni investime dhe transaksione të rëndësishme, por situata do mbetet e qëndrueshme.
Shëndeti: Kujdesuni për lodhjen mendore dhe mos e mbingarkoni veten.
Këshilla e Ditës: Mos kini frikë të tentoni, sepse ngurrimi shpesh sjell humbje.
Ujori
Saturni mund të sjellë disa surpriza jo fort të këndshme gjatë kësaj dite, ndaj përgatituni që jo çdo moment të jetë ideal. Për ju që jeni në një lidhje, klima do jetë herë shpërthyese e herë e ngrohtë. Do alternohen momentet e pasionit me debatet për gjëra të vogla, ndaj bëni kujdes të mos e teproni. Ju beqarët do keni një takim shumë entuziazmues, i cili mund t’ua ndryshojë rrjedhën e jetës. Në punë do jeni të detyruar të bashkëpunoni në ekip. Nëse tregoheni kokëfortë, të tjerët mund t’iu kalojnë përpara. Në planin financiar shmangni çdo nxitim sepse pasojat mund të shfaqen më vonë.
Shëndeti: Ruani qetësinë nervore dhe bëni pushime të shkurtra gjatë ditës.
Këshilla e Ditës: Bashkëpunimi është më i fortë se çdo veprim individual sot.
Peshqit
Edhe pse pritet një ditë e ndriçuar dhe pozitive, mirë është të reflektoni dhe të mos veproni impulsivisht. Falë ndikimit të planetëve, jeta juaj në çift do jetë më e bukur se kurrë. Do përjetoni momente romantike dhe sensuale që do ju bëjnë të ndiheni si në ëndërr. Ju beqarët do tregoheni fillimisht të turpshëm, por sapo një person interesant t’iu afrohet, do harroni çdo hezitim. Jeta profesionale nuk do jetë plotësisht e qetë, por me planifikim dhe maturi do shmangni problemet. Nëse ju propozohen ndryshime, mendohuni mirë para se të vendosni. Financat do ecin mjaft mirë dhe nuk do keni arsye për shqetësim.
Shëndeti: Gjendje e mirë fizike, por ruani ekuilibrin emocional.
Këshilla e Ditës: Mendoni para se të veproni dhe do shmangni shumë pendesa.
© Të gjitha të drejtat e rezervuara
$ads={2}
.png)
Post a Comment