Dashi
Hëna do e ushqejë edhe më shumë shpirtin tuaj të aventurës dhe nuk do e privoni veten nga asgjë. Gjithë kohës do ndiheni në formë dhe me plot gëzim në shpirt, gjë që do ju bëjë më aktivë dhe më të hapur ndaj përvojave të reja. Nëse keni një lidhje, përgatituni për të përjetuar emocione shumë të forta. Gjërat do jenë ndryshe nga zakonisht dhe jeta do ju duket shumë më e bukur dhe më intensive. Ju beqarët do jeni të përkëdhelurit e yjeve dhe do përjetoni dashuri me shikim të parë në një mënyrë vërtet të jashtëzakonshme. Në punë do fitoni më shumë pavarësi dhe autonomi. Nuk do ndiheni aspak as të bllokuar dhe as nën presion. Në planin financiar nuk do keni vështirësi, por nëse tregoheni të kujdesshëm do keni edhe më shumë përfitime.
Shëndeti: Gjendja fizike dhe energjia do jenë shumë të mira. Kujdes vetëm të mos e teproni me lodhjen.
Këshilla: Shijoni momentin, por mos harroni të mendoni edhe për pasojat afatgjata të veprimeve tuaja.
Demi
Mundohuni të mos jeni shumë insistues gjatë kësaj dite dhe të mos ndërmerrni rreziqe të panevojshme. Ju të dashuruarit ka shumë mundësi të bëni çmenduri vetëm për ta shtuar entuziazmin në jetën tuaj sentimentale. Partneri do jetë i të njëjtit mendim dhe do ju bëjë të ndiheni për mrekulli pranë tij. Nëse jeni beqarë, dashuria me shikim të parë do trokasë në jetën tuaj dhe gjithçka mund të ndryshojë përgjithmonë. Në punë do jeni më të hapur dhe do i realizoni një e nga një të gjitha objektivat që i keni vënë vetes. Asgjë nuk do ju duket e pamundur. Për financat duhet të tregoheni më të kujdesshëm, sepse po filluan problemet do jetë e vështirë ta stabilizoni shpejt situatën.
Shëndeti: Do ndiheni mirë, por shmangni stresin dhe teprimet, sidomos në ushqim.
Këshilla: Mos u nxitoni në vendime financiare, edhe kur ndiheni të sigurt.
Binjakët
Dielli do ju shtojë imagjinatën gjatë kësaj dite dhe do ju ndihmojë të zgjidhni disa vështirësi që keni pasur kohët e fundit. Humori do jetë dukshëm më i mirë dhe do ndiheni më të lehtësuar. Nëse jeni në një lidhje, do kuptoni se nuk është gjithmonë e nevojshme të jetosh vetëm me pasion për të qenë i lumtur. Mirëkuptimi dhe qetësia do jenë baza e marrëdhënies suaj. Ju beqarët duhet të tregoheni shumë të kujdesshëm dhe të mos pranoni çdo ftesë që ju bëhet, pasi disa persona mund të jenë intrigantë dhe me dy fytyra. Në punë ka mundësi të ndryshoni disiplinë dhe çdo hap do e hidhni të menduar mirë. Shpenzimet kryejini vetëm pasi të keni bërë llogaritë me kujdes, në mënyrë që të shmangni çdo të papritur të pakëndshme.
Shëndeti: Gjendja mendore do jetë më e mirë, por mos e lini pas dore pushimin.
Këshilla: Besojini intuitës, por verifikoni gjithmonë faktet para se të veproni.
Gaforrja
Për fat të keq, yjet nuk do arrijnë t’iu mbajnë larg vështirësive gjatë kësaj dite, ndaj përgatituni për trazira. Ju që keni një lidhje do përballeni me vështirësi të shumta dhe mjaft të mëdha. Nuk do merreni vesh për asgjë me partnerin dhe secili do kërkojë të dalë e vetja. Ju beqarët do përpiqeni gjatë gjithë kohës ta joshni personin që pëlqeni, por pa arritur rezultatet e dëshiruara. Në punë mos u tregoni kapricozë dhe përqendrohuni tek detyrat që duhet të kryeni. Një gabim i vogël mund të ndikojë negativisht në karrierën tuaj. Në planin financiar gjendja do jetë disi më e qëndrueshme, çka ju jep mundësinë të mendoni edhe për ndonjë investim.
Shëndeti: Nervozizmi mund t’iu lodhë emocionalisht. Kërkoni qetësi dhe shmangni konfliktet.
Këshilla: Jo çdo betejë ia vlen të fitohet. Ndonjëherë tërheqja është zgjedhja më e mençur.
Luani
Komunikimi thuajse do shterojë gjatë kësaj dite dhe kjo mund të sjellë probleme në jetën tuaj në përgjithësi. Ju të dashuruarit do keni debate të njëpasnjëshme, por gjithsesi nuk ka arsye për alarm. Në mbrëmje situata do fillojë gradualisht të stabilizohet. Ju beqarët nuk do tregoheni mjaft të vëmendshëm ndaj ftesave që do ju bëhen dhe kështu do humbisni disa mundësi të mira. Pendesa do vijë shpejt, por nuk do ketë më kthim pas. Në punë nuk do i rezistoni dot tundimit për të bërë diçka ndryshe nga zakonisht, por kini kujdes të mos nxitoheni që të mos bëni gabime. Buxheti do përmirësohet ndjeshëm dhe do arrini të hiqni edhe disa para mënjanë.
Shëndeti: Energjia do jetë e paqëndrueshme. Pushimi do jetë i domosdoshëm.
Këshilla: Mendoni dy herë para se të refuzoni një mundësi që ju vjen papritur.
Virgjëresha
Jeta juaj do jetë shumë dinamike gjatë kësaj dite dhe emocionet do shumëfishohen. Ju të dashuruarit do përjetoni ndryshime drastike në jetën sentimentale dhe do ndiheni shumë më të lumtur se disa ditë më parë. Shfrytëzojeni çdo çast pranë personit që dashuroni. Ju beqarët do keni takime të njëpasnjëshme dhe do ndiheni mjaft mirë në shoqërinë e disa personave. Në punë vështirësitë do jenë të mëdha dhe në disa momente do mendoni të hiqni dorë nga gjithçka. Mund t’iu shkojë ndër mend edhe dorëheqja, por nuk duhet të nxitoheni. Financat do jenë dukshëm më të mira dhe do keni mundësi të bëni investime më tepër se zakonisht.
Shëndeti: Do ndiheni mirë fizikisht, por lodhja mendore mund të ndihet herë pas here.
Këshilla: Mos merrni vendime të mëdha në momente emocionale. Prisni që gjërat të qartësohen.
Peshorja
Jupiteri do jetë dominues gjatë kësaj dite dhe do ju bëjë më pesimistë se zakonisht. Do i merrni gjërat me përtesë dhe shpesh do ndiheni të mërzitur, sikur gjithçka kërkon më shumë përpjekje sesa duhet. Për ju të dashuruarit do ketë shumë momente të tensionuara që do ju bëjnë të ndiheni keq. Për çdo gjë do konfliktoheni me partnerin dhe do e keni të vështirë të gjeni gjuhën e përbashkët. Ju beqarët duhet t’i bëni sytë katër në çdo moment, sepse keni për ta gjetur personin e ëndrrave. Ai do shfaqet pikërisht në çastin që ju më pak e prisni. Në punë nuk do jeni shumë të përqendruar dhe shumë detaje të rëndësishme do ju shpëtojnë. Buxhetin duhet ta keni më tepër në vëmendje, sepse po filluan problemet financiare, nuk do dilni lehtësisht prej tyre.
Shëndeti: Lodhja mendore dhe pesimizmi mund t’iu ndikojnë në energji. Mundohuni të gjeni pak qetësi për veten.
Këshilla: Mos reagoni menjëherë nën ndikimin e emocioneve negative. Merrni frymë thellë dhe jepini vetes kohë.
Akrepi
Do keni vullnet të hekurt gjatë kësaj dite dhe do arrini t’u bëni ballë edhe problemeve që do ju dalin përpara. Ju të dashuruarit do përjetoni debate dhe probleme të njëpasnjëshme me partnerin që në orët e para të ditës. Në disa momente do ndiheni aq keq saqë do mendoni edhe për ndarje, por gjithsesi nuk do merrni vendime të nxituara. Ju beqarët do e vuani më shumë se kurrë vetminë dhe do zhyteni në pesimizëm. Në punë do jeni të vetëdijshëm për gabimet e së shkuarës dhe do përpiqeni t’i ndreqni ato. Pranoni mbështetjen e kolegëve sepse do ju ndihmojë realisht. Perspektivat për sektorin e financave do jenë të mira. Do tregoheni logjikë me shpenzimet dhe gjendja do ketë përmirësime të ndjeshme.
Shëndeti: Stresi emocional mund t’iu rëndojë. Kujdesuni për pushimin dhe shmangni debatet e panevojshme.
Këshilla: Forca juaj qëndron tek durimi. Mos e përballoni gjithçka vetëm.
Shigjetari
Venusi do ketë ndikim fantastik tek ju gjatë kësaj dite. Temperamenti do zbutet dhe marrëdhëniet me të tjerët do përmirësohen ndjeshëm. Nëse keni një lidhje dhe kohët e fundit gjërat nuk kanë ecur si duhet, sot do tregoheni më të dashur dhe më shprehës. Ju beqarët duhet të dilni në pah dhe të mos fshiheni më, sepse keni për të pasur sukses. Në punë gjërat do ecin mirë, por duhet të kujdeseni më tepër për marrëdhëniet me kolegët dhe të tregoheni më bashkëpunues. Shpenzimet do rriten disi dhe për këtë arsye gjendja financiare mund të ketë disa tronditje.
Shëndeti: Do ndiheni më të qetë emocionalisht, por ruani ekuilibrin dhe mos e teproni me angazhimet.
Këshilla: Bashkëpunimi është çelësi i suksesit sot. Mos u mbyllni në vetvete.
Bricjapi
Planetët nuk do ju ndihmojnë të keni një ditë shumë të mirë dhe në përgjithësi do jeni mjaft nervozë. Nëse keni një lidhje nuk do arrini të mbani një marrëdhënie të kënaqshme me partnerin dhe debatet do jenë të vazhdueshme. Nëse jeni beqarë do arrini të joshni disa persona, por të afërmit nuk do ua pëlqejnë zgjedhjet dhe do përpiqen t’ua ndryshojnë mendjen. Në punë do kërkoni shumë më tepër nga vetja dhe do bëni edhe sakrifica, megjithatë sot nuk pritet ndonjë sukses i madh. Me shpenzimet do tregoheni impulsivë dhe gjendja financiare mund të përkeqësohet më tej.
Shëndeti: Nervozizmi mund të ndikojë në mirëqenien tuaj. Kujdesuni për qetësinë mendore.
Këshilla: Mos i lini të tjerët të vendosin për ju, por as mos veproni me kokëfortësi.
Ujori
Sot do jeni në humor shumë të mirë dhe në përgjithësi gjërat në çdo fushë do ju ecin si duhet. Nëse jeni në një lidhje, Mërkuri dhe Marsi do ju nxisin të jeni më komunikues dhe më pak agresivë. Marrëdhënia do ngrohet ndjeshëm dhe emocionet do shumëfishohen. Ju beqarët do i keni të gjitha mundësitë për të fituar zemrën e personit që pëlqeni dhe do ndiheni shumë më të qetë me veten. Në punë do iu jepet një mundësi e shkëlqyer për të treguar aftësitë tuaja. Askush nuk do ju sfidojë dot dhe do ndiheni më të sigurt. Edhe në planin financiar gjërat do ecin shumë mirë.
Shëndeti: Energji dhe humor i mirë. Vazhdoni me këtë ritëm, por mos e teproni.
Këshilla: Shfrytëzoni çdo mundësi që ju jepet, sepse sot fati është në anën tuaj.
Peshqit
Sot do merrni një lajm shumë të mirë që do ua mbushë zemrën me gëzim. Nëse keni një lidhje do kaloni momente të paharrueshme me partnerin dhe do bindeni edhe më shumë se ai është personi i duhur për ju. Do joshni dhe do ju joshin gjatë gjithë kohës. Ju beqarët nuk do keni asnjë dyshim për aftësinë tuaj joshëse dhe do guxoni të bëni deklarata të drejtpërdrejta. Përgjigjet do jenë pikërisht ato që keni pritur. Në punë do iu jepen mundësi edhe më të mira për të treguar veten dhe për të ecur përpara. Motivimi nuk do ju mungojë. Në planin financiar tregohuni më të përgjegjshëm dhe përpiquni të shpenzoni me kujdes.
Shëndeti: Gjendja emocionale do jetë shumë e mirë dhe kjo do reflektohet edhe fizikisht.
Këshilla: Gëzoni sukseset, por mbani këmbët në tokë dhe mendoni edhe për të ardhmen.
© Të gjitha të drejtat e rezervuara
$ads={2}
.png)
Post a Comment