Dashi
Dielli dhe Neptuni do e zbukurojnë këtë ditë dhe do ju bëjnë të ndiheni shumë mirë. Për ju që jeni në një lidhje, kjo do jetë një nga ditët më të bukura dhe më me fat. Shfrytëzojeni sa më shumë dhe mos ngurroni t’i shprehni ndjenjat hapur. Ju beqarët do keni fat, pasi ka gjasa që personi me të cilin do filloni një lidhje të jetë i shenjës së Ujorit. Në punë gjërat do ecin mbarë, sidomos nëse merreni me letërsi apo punoni në sektorin e marrëdhënieve me publikun. Në financa, maturia është e domosdoshme. Mos u tregoni impulsivë me shpenzimet, përndryshe do përballeni me vështirësi.
Shëndeti: Do ndiheni plot energji, por shmangni lodhjen e tepërt fizike dhe mendore. Kujdesuni për pushim të mjaftueshëm.
Këshilla e ditës: Shprehni ndjenjat pa frikë dhe ruani ekuilibrin financiar.
Demi
Do jeni shumë të frymëzuar gjatë kësaj dite dhe do arrini të bëni gjëra që as vetë nuk i kishit imagjinuar. Për ju që jeni në një lidhje, jeta sentimentale do ndikohet nga planetët të cilët do sjellin gëzim dhe emocione. Kujdes vetëm që pasioni të mos mbizotërojë ndaj ndjenjave. Ju beqarët nën ndikimin e Merkurit do tregohen kërkues dhe nuk do bien në dashuri me personin e parë që do takojnë. Në punë do arrini të rregulloni një e nga një të gjitha problemet që keni pasur dhe prej sot do nisë një etapë e re. Me financat do tregoheni shumë të kujdesshëm dhe kjo do e mbajë situatën të qëndrueshme.
Shëndeti: Do jeni në formë të mirë, por shmangni ushqimet e rënda dhe konsumoni më shumë lëngje natyrale.
Këshilla e ditës: Mos i lini emocionet t’iu verbonë, mbani gjithmonë në qendër ekuilibrin.
Binjakët
Ka shumë gjasa që sot të mos jeni me humor të mirë. Do keni nevojë për qetësi absolute dhe mungesa e saj do ju acarojë. Në jetën sentimentale klima ka rrezik të jetë e turbullt. Meqë nuk do arrini të sillni qëndrueshmëri në çift, të paktën mundohuni të ruani komunikimin. Ju beqarët duhet të tregoheni të duruar, përndryshe mund të lidheni me dikë që nuk është i duhuri. Në punë është momenti për të folur hapur me shefat dhe për të sqaruar disa keqkuptime. Nëse i lini gjërat pas dore, problemet do shfaqen më vonë. Do keni gjithashtu një dëshirë të fortë për të shpenzuar pa menduar, por kushtet financiare nuk janë të favorshme.
Shëndeti: Ankthi dhe lodhja mendore mund t’iu shoqërojnë gjatë ditës. Një shëtitje në natyrë do ju qetësonte.
Këshilla e ditës: Ruani komunikimin dhe mos e teproni me shpenzimet.
Gaforrja
Gjatë kësaj dite do jeni shumë të paqëndrueshëm dhe herë pas here do keni probleme serioze me ata që ju rrethojnë. Për ju të dashuruarit priten debate. Do përballeni me probleme të mëdha dhe mund të mendoni t’i jepni fund lidhjes që keni krijuar. Bëni vetëm kujdes të mos nxitoheni. Për ju që jeni ende beqarë e sotmja pritet të jetë më e kënaqshme. Shfrytëzojini me kujdes mundësitë që do iu jepen. Në punë do i shihni gjërat shumë qartë, por do druheni të veproni. Mirë është të mos prisni gjatë sepse dikush tjetër mund të përfitojë nga situata. Në planin financiar gjërat do shkojnë më mirë se disa ditë më parë. Buxheti do jetë i kënaqshëm.
Shëndeti: Do ndiheni pak të lodhur nga ngarkesat emocionale dhe mendore. Kujdesuni për gjumin dhe shmangni diskutimet e panevojshme që ju marrin energji.
Këshilla: Mos merrni vendime të nxituara. Jepini vetes kohë dhe dëgjoni instinktin tuaj.
Luani
Ditë shumë e qetë ka për të qenë kjo e sotmja për ju dhe nuk do keni asnjë lloj problemi. Ju që jeni në një lidhje duhet të përfitoni nga kjo ditë e bukur për dashurinë. Qëndroni sa më shumë kohë bashkë dhe shkëmbeni puthje pafund. Ju beqarët do jeni gjithë kohës të rrethuar nga njerëzit, por asnjëri prej tyre nuk do mund t’ua fitojë zemrën. Bëni edhe pak durim. Për punën do jetë një ditë dinamike. Do merrni përsipër disa detyra të reja mjaft të rëndësishme dhe pak e nga pak do ja dilni mbanë. Në planin financiar do keni goxha fat dhe papritur do merrni shuma të konsiderueshme. Përfitoni nga kjo!
Shëndeti: Gjendja do jetë e mirë dhe plot energji. Një aktivitet fizik i lehtë do ju ndihmojë të ruani ekuilibrin shpirtëror.
Këshilla: Përfitoni nga kjo qetësi për të forcuar lidhjet me ata që doni.
Virgjëresha
Do kujdeseni mjaft për jetën tuaj familjare gjatë kësaj dite dhe do i rregulloni edhe problemet e vogla që keni pasur. Për ju të dashuruarit e sotmja do jetë pozitive. Edhe nëse keni qenë larg njëri-tjetrit do afroheni dhe do e shtoni bashkëpunimin. Ka ardhur momenti të bëni edhe plane për të ardhmen. Ju beqarët nuk do jeni të vendosur për të kërkuar personin e duhur. Çdo gjë do jetë në dorën tuaj. Në punë do jeni mjaft aktivë dhe nuk do ndiheni aspak të lodhur. Do ju shkoni deri në fund detyrave që keni nisur. Sektori i financave do jetë mjaft i qetë. Nuk do keni probleme dhe mund të bëni ndonjë shpenzim më tepër.
Shëndeti: Do ndiheni mirë në përgjithësi, por mos neglizhoni pushimin. Shëndeti shpirtëror ka nevojë po aq sa ai fizik.
Këshilla: Vlerësoni gjërat e vogla dhe mos harroni se durimi sjell fryte.
Peshorja
Mirë është që të reflektoni disa herë sot para se të hidhni hapa pasi vetëm kështu do e përmirësoni situatën. Për ju të dashuruarit asnjë planet nuk do influencojë negativisht dhe qielli i dashurisë do jetë pa re. Do ndiheni mirë dhe do përjetoni goxha kënaqësi. Ju beqarët do e keni të vështirë të fiksoheni pas dikujt duke qenë se do keni përballë disa persona interesantë. Merrni kohën e duhur dhe reflektoni me kujdes. Në punë do fillojë një tjetër periudhë shumë më e qëndrueshme. Do keni edhe më shumë besim tek vetja dhe do bashkëpunoni me kolegët. Në planin financiar duhet ta shtrëngoni pak rripin nëse nuk doni që buxheti të marrë tatëpjetën.
Shëndeti: Do ndiheni disi të lodhur nga ngarkesa mendore. Bëni kujdes me ushqimin dhe mos e lini trupin pa pushim.
Këshilla: Mos merrni vendime të ngutshme. Reflektimi dhe qetësia janë çelësi i suksesit.
Akrepi
Do e bëni çdo gjë si duhet sot dhe gjërat do iu ecin më së miri. Ju të dashuruarit do jeni tej mase romantikë gjatë kësaj dite dhe do mendoni surpriza nga më të ndryshmet. Partneri do jetë i gatshëm të provojë çdo gjë që do i propozoni dhe do ndihet për mrekulli. Ju beqarët më mirë t’ia lini gjërat kohës dhe të mos bëni asgjë me ngulm sepse jo vetëm që nuk mund t’ia dilni, por edhe mund të lëndoheni. Në punë do jeni luftarakë dhe nuk do ndaleni për asnjë lloj arsyeje. Do keni një metodë shumë të mirë për të arritur atje ku dëshironi. Buxheti do ketë më shumë përmirësime nga sa mendonit.
Shëndeti: Do jeni energjikë dhe vitalë. Kujdesuni megjithatë të mos lodhni veten më shumë seç duhet.
Këshilla: Shfrytëzojeni këtë ditë për të ndërtuar ura të reja dhe për të forcuar lidhjet ekzistuese.
Shigjetari
Nuk do jeni më rebelë si më parë gjatë kësaj dite dhe do mundoheni t’i merrni gjërat sa më shtruar. Në dukje, sektori i dashurisë për ju të dashuruarit do jetë i qetë dhe pa probleme, por nëse nuk tregoheni të matur me fjalët mund të lindin konflikte. Neptuni do jetë planeti që do iu ndihmojë të dilni nga situatat e zymta. Një takim i kryer kohë e fundit mund të kthehet në një histori të bukur dashurie për ju beqarët. Përgatituni! Në punë do jeni gjithë kohës ambiciozë dhe nuk do ndaleni derisa të arrini atë që dëshironi. Asgjë dhe askush nuk do ju ndalë. Financat do jenë të mira, por ju duhet të vazhdoni punën për t’i përmirësuar edhe më tepër.
Shëndeti: Do ndiheni më të qetë shpirtërisht dhe fizikisht. Një shëtitje në natyrë do ju bëjë mjaft mirë.
Këshilla: Ruani qetësinë dhe mos u nxitoni të reagoni. Durimi do ju shpërblejë.
Bricjapi
Gjatë kësaj dite do jeni më shprehës, më entuziastë dhe më optimistë. Ju të dashuruarit, të influencuar nga planetët, do bëni çmos që në marrëdhënien tuaj të mbretërojë harmonia. Edhe pse mund t’iu jepen mundësi për aventura ju nuk do i parapëlqeni. Rëndësi do ketë vetëm të jeni mirë me partnerin. Ju beqarëve do iu jepet mundësia të keni takime shumë të veçanta. Në punë të gjithë planetët do bëhen bashkë dhe do ju ndihmojnë pafundësisht. Keni për të shkëlqyer më shumë se kurdoherë. Bëni durim nëse nuk doni të keni probleme financiare. Jo gjithçka ecën aq shpejt sa ju dëshironi.
Shëndeti: Do ndiheni plot energji dhe me humor të mirë. Kujdesuni vetëm të mos e teproni me ngarkesën mendore.
Këshilla: Mos e humbni qetësinë përballë vonesave. Durimi do ju shpërblejë.
Ujori
Gjatë kësaj dite do jeni optimistë për të ardhmen dhe gjërat do përmirësohen goxha. Do dini edhe ta kontrolloni veten në çdo situatë. Ju të dashuruarit, dhe pse do keni disa mosmarrëveshje të vogla me partnerin në mëngjes, gjërat do stabilizohen më vonë. Do kaloni edhe disa çaste romantike. Ju beqarët duhet të pranoni ftesën për të shkuar në një festë. Atje do takoni persona interesantë me të cilët ia vlen të krijosh një lidhje. Në punë bëhuni pak më të duruar dhe pranoni ftesën që do iu bëjë një koleg. Të dy së bashku mund të arrini shumë. Saturni do favorizojë financat. Mund të ketë edhe përmirësime të ndjeshme.
Shëndeti: Do ndiheni mirë gjatë gjithë ditës, por mos lini pas dore aktivitetin fizik. Ai do ju bëjë edhe më të fortë.
Këshilla: Mos i refuzoni mundësitë që vijnë nga të tjerët. Shumë prej tyre do jenë në favorin tuaj.
Peshqit
Gjatë kësaj dite do jeni gjithë kohës të frymëzuar dhe të gatshëm për të bërë edhe gjëra të veçanta. Ju që keni një lidhje do bëni më tepër lëshime ndaj partnerit dhe marrëdhënia mes jush do fillojë të përmirësohet. Bëhuni të duruar sepse gjërat për ju do ecin për mrekulli. Ju beqarët nuk do jeni më agresivë si më parë, përkundrazi do pranoni të njiheni me disa. E nesërmja mund të jetë më e bukur për ju. Në punë, marrëdhënia me kolegët do jetë më e mirë kështu që do ndiheni edhe më të qetë. Do e dini mirë si të veproni në mënyrë që të arrini objektivat.
Shëndeti: Do ndiheni mirë, por mos i lini pas dore pushimet dhe kujdesin ndaj vetes. Ushqimi i shëndetshëm do ketë rëndësi të madhe.
Këshilla: Ruani durimin dhe besoni tek procesi. Çdo gjë po shkon drejt përmirësimit.
© Të gjitha të drejtat e rezervuara
$ads={2}
.png)
Post a Comment